जिरीमा एक सातादेखि बेपत्ता पुरुष मृत भेटिए
दोलखा — दोलखाको जिरी नगरपालिकास्थित एक सातादेखि बेपत्ता रहेका पुरुषको शव भेटिएको छ । जिरी नगरपालिका–९ खर्क खोलामा उनको शव फेला परेको हो ।
एक सातादेखि बेपत्ता जिरी नगरपालिका–९ होसिङगाका ४१ वर्षीय राजन खत्रीको शव खोला किनारमा फेला परेको प्रहरीले जनाएको छ ।
भदौ १६ गतेबाट बेपत्ता भएका उनको शव खोला किनारमा बुधबार अपराह्न बस्तुभाउ चराइरहेका स्थानीयले देखेपछि प्रहरीलाई खबर गरेका थिए । खत्रीको मृत्युको सम्बन्धमा थप अनुसन्धान भइरहेको प्रहरीले जनाएको छ ।
प्रकाशित : भाद्र २२, २०७९ २०:५३प्रतिक्रिया
