सन्ध्या आरतीमा कथक नृत्य

सुवेदी एउटै खुट्टाले कथक नृत्य गर्ने कलाकारका रूपमा परिचित छिन् । उनले देश तथा देशबाहिर थुप्रै पटक नृत्य प्रस्तुति दिएकी छन् । त्रिभुवन विश्वविद्यालय ललितकला केन्द्रीय विभागमा स्नातकोत्तर तहमा संगीत अध्ययनसँगै उनले कथक नृत्य विधामा प्रशिक्षणसमेत दिइरहेकी छन् । १२ वर्षको उमेरमा क्यान्सरले छोएपछि उनको देब्रे गोडा तिघ्रामुनिबाट काटिएको थियो । कुनै पनि व्यक्तिलाई शारीरिकभन्दा बौद्धिकस्तरबाट मूल्यांकन गरी समान अवसर प्रदान गरे जुनसुकै क्षेत्रमा सफलता हासिल गर्न सक्छन् भन्ने उदाहरणका रूपमा सुवेदी उभिएकी छन् । सन्ध्या आरतीकै क्रममा प्रस्तुतिमा केही असहज भए पनि हृदयको समर्पित भावले अगाडि बढेको उनले सुनाइन् ।

आरती विकास समितिले विभिन्न पर्वहरुमा सन्ध्या आरतीसँगै विविध खालका कार्यक्रमहरु सञ्चालन गरिरहेको समितिका महासचिव दुर्गाप्रसाद खतिवडाले बताए । समितिले पशुपतिमा १५ वर्षदेखि सन्ध्या आरती कार्यक्रम सञ्चालन गरिरहेको छ ।