नुवाकोटमा गाँजासहित एक पक्राउ
नुवाकोट — ककनी गाँउपालिका २ खानीखोलाबाट एक जनालाई गाँजासहित प्रहरीले पक्राउ गरेको छ ।
जाँचको क्रममा महोत्तरी भटोलिया गाउँपालिका ३ का २० वर्षीय अविनाश ठाकुरलाई दुई केजी गाँजासहित पक्राउ गरिएको जिल्ला प्रहरी कार्यालयले जनाएको छ । उनले बोकेको झोलाबाट प्लास्टिकको बोराले बेरेको लागूऔषध गाँजा ९ मुठाबराबर २ किलो बरामद गरी लागूऔषध नियन्त्रण ऐन २०३३ बमोजिम अनुसन्धान भइरहेको डिएसपी तथा सूचना अधिकारी रुपक खड्काले बताए ।