नुवाकोटमा नासुको विरोधले सेवा प्रभावित

श्रावण २४, २०७९कृष्ण थापा

नुवाकोट — सरकारले तलब वृद्धि असमान गरेको भन्दै नायब सुब्बाहरुको विरोध जनाएका छन् । जिल्लामा रहेका नासुहरु मंगलबार विरोधमा उत्रिँदा सेवाग्राही मर्कामा परेका थिए ।

मंगलबार धेरै सेवा प्रवाह हुने स्थानीय प्रशासन, मालपोत, नापीलगायतका सरकारी कार्यालयका काम प्रभावित भएको थियो । एउटै कार्यालयमा काम गर्ने राजपत्रांकित कर्मचारीहरुलाई सरकारले चोरबाटोबाट २४ देखि २६ प्रतिशत तलब वृद्धि गर्ने र अरुलाई पुरानैमा काम गर भनेकोले विरोध गर्नुपरेको जिल्ला प्रशासन कार्यालयका एक नासुले बताए ।