सिन्धुलीमा करेन्ट लागेर मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

सिन्धुलीमा करेन्ट लागेर मृत्यु

राजकुमार कार्की

सिन्धुली — सिन्धुलीको तीनपाटन गाउँपालिका–७ पत्यानीमा करेन्ट लागेर ३५ वर्षीय तीर्थबहादुर श्रेष्ठको शनिबार मृत्यु भएको छ ।

वाक्सुखोला जलविद्युत आयोजनाबाट संचालित विद्युतको पोल ढलेर बाटोमा झोल्लिएको तारमा अल्झिँदा श्रेष्ठलाई करेन्ट लागेको थियो ।

करेन्ट लागेर घाइते भएका श्रेष्ठलाई उपचारका लागि स्थानीय स्वास्थ्यचौकीमा लैजाँदै गर्दा बाटोमा नै मृत्यु भएको प्रहरीले जनाएको छ ।

प्रकाशित : श्रावण २१, २०७९ १५:३७
प्रतिक्रिया
पठाउनुहोस्

फाइभ जी विस्तारमा नोकियाले नेपाललाई साथ दिने

कान्तिपुर संवाददाता

काठमाडौँ — नोकिया कम्पनीले नेपाललाई फाइभ जी विस्तारमा सघाउने भएको छ । शुक्रबार फिनल्यान्डको दूतावाससँगको सहकार्यमा काठमाडौंमा आयोजित ‘नोकिया नेपाल इन्नोभेसन डे २०२२’ कार्यक्रममा फाइभ जीमार्फत नेपाललाई इन्डस्ट्री ४.० को डिजिटल युगमा रुपान्तरण गर्न नोकियाले साथ दिने बताएको थियो ।

‘सन् २०१७ देखि नोकिया नेपालमा उपलब्ध हुँदै आएको छ,’ कम्पनीको विज्ञप्तीमा भनिएको छ, ‘अब हामी नेपाललाई फाइभ जी युगमा लैजान साथ दिन चाहन्छौं । र, यहाँको डिजिटल क्रान्तिको हिस्सा बन्न चाहन्छौं ।’ हाल आफूहरूले अपरेटरहरूमार्फत नेपालका १० लाख घरपरिवारलाई उच्च–गुणस्तरको फिक्स्ड ब्रोडब्यान्ड सेवा प्रदान गरिरहेको नोकियाको भनाइ छ ।

दूरसञ्चार क्षेत्रमा आम प्रयोगकर्ता, व्यवसाय र अन्यलाई जोड्न, नयाँ सेवाहरू विस्तार गर्न र आम्दानी बढाउन के गर्न सकिन्छ भन्नेबारे विज्ञहरूले भनाइ राखेका थिए । फाइभ जी क्रान्तिको सुरुवात, इन्डस्ट्री ४.० को अवधारणासहित डिजिटल युगमा रुपान्तरण र गिगाबिट युगतर्फको यात्राबारे कार्यक्रममा छलफल भएको विज्ञप्तीमा भनिएको छ ।

प्रकाशित : श्रावण २१, २०७९ १५:३५
पूरा पढ्नुहोस्
प्रतिक्रिया
पठाउनुहोस्
x
×