डेंगु नियन्त्रण गर्न ‘स्प्रे’
हेटौंडा — हेटौंडा उपमहानगरमा डेंगुको संक्रमण बढ्दै गएपछि नियन्त्रण गर्न स्प्रे गर्न थालिएको छ । उपमहानगरको ४ र ५ नम्बर वडाका विभिन्न क्षेत्रमा डेंगुको संक्रमण बढ्दै गएपछि बिहीबारदेखि स्प्रे गर्न थालिएको हो ।
उपमहानगरको आयुर्वेद तथा जनस्वास्थ्य प्रवर्द्धन शाखाका जनस्वास्थ्य अधिकृत भोला चौलागाईंका अनुसार लामखुट्टेका लार्भा तथा अन्य जीवाणु नष्ट गर्ने गरी ‘डाइथाल कार्वसेट’ पानीमा मिसाएर छरिएको छ ।
‘संक्रमण फैलन नदिन जनस्तरमा मट्टीतेलको प्रयोग गरी लार्भा नष्ट गर्न सचेतनासँगै बढी जोखिम रहेको क्षेत्रमा उपमहानगरले स्प्रे गर्न थालेको हो,’ उनले भने । हेटौंडा–४ र ५ नम्बर क्षेत्रमा डेंगुका बिरामी देखिएका छन् ।
प्रकाशित : श्रावण २१, २०७९ ०७:३६प्रतिक्रिया