असक्तलाई घरमै नागरिकता- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

असक्तलाई घरमै नागरिकता

टीकाप्रसाद भट्ट

रामेछाप — जिल्ला प्रशासन कार्यालय रामेछापले शारीरिक असक्तता भएका कारण जिल्ला सदरमुकामसम्म पुगेर नागरिकता प्रमाणपत्र लिन नसक्नेहरूलाई घरमै पुगेर नागरिकता वितरण गर्न थालेको छ ।

मंगलबार सुनापति गाउँपालिका ४ को बेथानका मिकमार तामाङ, मञ्जरी तामाङ र पेमाडोल्मा तामाङलाई घरमै पुगेर सहायक प्रमुख जिल्ला अधिकारी गीता गुरुङले नागरिकता प्रमाणपत्र वितरण गरेकी छन् । बेथान पश्चिमी रामेछापको काभ्रे जिल्ला सिमानाको गाउँ हो ।

जिल्लामा शारीरिक असक्तताका कारण नागरिकता प्रमाणपत्र लिन नसकेका व्यक्तिलाई जिल्ला सदरमुकामसम्म ल्याउन-लैजान हुने झण्झटका कारण घर दैलोमै पुगेर नागरिकता वितरण गर्न थालेको प्रमुख जिल्ला अधिकारी दीपककुमार पहाडीले बताए ।

पहाडीका अनुसार यसअघि मन्थली नगरपालिका ५ सुनारपानीका गुञ्जन दमाई, जगेन्द्र खत्री र ओमकुमार श्रेष्ठ तथा खाँडादेवि गाउँपालिका ९ पिङ्खुरीकी पदममाया तामाङलाई समेत घरमै पुगेर नागरिकता प्रमाणपत्र वितरण गरिएको थियो ।

शारीरिक असक्त भएकाले राज्यबाट सामाजिक सुरक्षा भत्ता पाउने गर्छन् । तर नागरिकता प्रमाणपत्र बिना उक्त भत्ता लिन कठिनाइ बेहोर्नु परेको उनीहरूको गुनासो रहँदै आएको छ । त्यस्ता व्यक्तिहरूलाई जिल्ला प्रशासन कार्यालयको उक्त अभियानले राहत महसुस हुने मन्थली नगरपालिका ५ का वडाध्यक्ष रविन कार्कीले अपेक्षा गरेका छन् ।

प्रकाशित : असार २२, २०७९ १५:२५
प्रतिक्रिया
पठाउनुहोस्

२ हजारमुनि झरेर उक्लियो सेयर बजार 

कान्तिपुर संवाददाता

काठमाडौँ — बुधबार सेयर बजार खुल्दा नेप्से परिसूचक २०३० अंकमा थियो । क्रमिक रुपमा बजार ओरालो लाग्दै साढे १२ बजे १९९५ अंकसम्म झर्‍यो ।  पौने १ बजेपछि भने नेप्से उकालो लाग्यो । अन्तत: बजार बन्द हुँदा अघिल्लो दिनको तुलनमा १३.३३ अंकले बढेर नेप्से २०४३ अंकमा कायम भयो । २ अर्ब १७ करोड रुपैयाँको सेयर किनबेच भएको छ । 

बैंकिङ उपसमूह १ अंकमुनि रातो रह्यो । विकास बैंक ७२, फाइनान्स ४२, होटल तथा पर्यटन १६, जलविद्युत् ३३, जीवन बीमा २६६, उत्पादन २०, माइक्रोफाइनान्स १०, अन्य २१ र ब्यापार उपसमूह १ अंक बढे । निर्जीवन बीमा उपसमूह ३५ अंक घट्यो । कुल १२३ कम्पनीको मूल्य बढ्दा ५९ को घट्यो भने १० को स्थिर रह्यो ।

लाइफ इन्स्योरेन्स कर्पोरेसन र सीवाईसी लघुवित्तको मूल्य १० प्रतिशत बढ्यो । हिमालयनसँग गाभिने हल्लाले सिभिल बैंकको मूल्य ७ प्रतिशत बढ्यो । कारोबार रकमका आधारमा गोर्खा फाइनान्स, लाइफ इन्स्योरेन्स कर्पोरेसन, सिभिल बैंक, हिमालयन डिस्टिलरी र माथिल्लो तामाकोसी क्रमश: अगाडि रहे ।


प्रकाशित : असार २२, २०७९ १५:११
पूरा पढ्नुहोस्
प्रतिक्रिया
पठाउनुहोस्
×