१८.१२°C काठमाडौं
जबरजस्ती करणीको आरोपमा ३ जना पक्राउ
काठमाडौँ — जबरजस्ती करणीको आरोपमा प्रहरीले सिन्धुपाल्चोकमा ३ जनालाई पक्राउ गरेको छ । पक्राउ पर्नेमा १८ वर्षीय प्रिन्स थपलिया‚ १८ वर्षीय रुस कार्की र २६ वर्षीय सुलभ सुवेदी रहेको सूचना अधिकारी प्रहरी नायव उपरीक्षक दक्षकुमार बस्नेतले जानकारी दिएका छन् ।
२६ वर्षीया युवतीलाई सिन्धुपाल्चोकको सुकुटेस्थित ‘सुकुटे बिच एड्भेन्चर क्याम्प रिसोर्ट’मा जबरजस्ती करणी गरेको आरोपमा तीन जनालाई प्रहरीले पक्राउ गरेको प्रनाउ बस्नेतले जानकारी दिए ।
युवतीलाई जवरजस्ती करणी गरी फरार रहेका उनीहरूलाई आइतबार काठमाडौंस्थित कलंकीबाट पक्राउ गरिएको प्रहरीले जनाएको छ ।
थप अनुसन्धानका लागि आरोपितलाई सिन्धुपाल्चोक जिल्ला अदालतबाट ७ दिनको म्याद लिइएको प्रनाउ बस्नेतले बताए ।
प्रकाशित : असार २०, २०७९ २०:३४प्रतिक्रिया
