३०.१२°C काठमाडौं
जन्ती बोकेको ट्याक्टर दुर्घटना हुँदा एकको मृत्यु
मकवानपुर — मकवानपुरको पूर्वी क्षेत्रमा रहेको वाग्मती गाउँपालिका–७ स्थित धरान चतरा सडकखण्डमा जन्ती बोकेको ट्याक्टर दुर्घटना हुँदा एक जनाको घटनास्थलमै मृत्यु भएको छ ।
घटनास्थल हेटौंडाबाट करिब ५० किलोमिटर पूर्वतर्फ पर्छ । मृत्यु हुनेमा कक्षा १० मा पढ्ने करिब १६ वर्षीय विद्यार्थी रहेको प्रहरीले जनाएको छ ।
आइतबार दिउँदो करिब ४ बजे वाग्मती–९ स्थित बेतिनीबाट सिन्धुलीमा वेहुली लिन जन्ती हिँडेको ना. ८ त ८०७३ नम्बरको ट्याक्टर सडकबाट पल्टेर दुर्घटना हुँदा ट्याक्टरमा सवार २१ जना घाइते भएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।
उनका अनुसार दुर्घटनामा ७ जना गम्भीर घाइते भएको र उपचारका लागि एम्बुलेन्समा हेटौंडा अस्पताल ल्याइएको जानकारी दिए ।
प्रकाशित : असार १९, २०७९ १८:२५प्रतिक्रिया
