दोलखामा बस आपसमा ठोकिँदा दर्जनभन्दा बढी यात्रु घाइते
दोलखा — दोलखाको भीमेश्वर नगरपालिका-८ वोचमा यात्रुवाहक बस आपसमा ठोक्किँदा दुई दर्जनभन्दा बढी यात्रु घाइते भएका छन् ।
आइतबार दिउँसो काठमाडौंबाट दोलखातर्फ आउँदै गरेको प्रदेश-३-०१-००५ ख ९६९७ नम्बरको बस र विपरीत दिशाबाट काठमाडौं जाँदै गरेको बा ३ ख ७४६३ नम्बरको बस आपसमा ठोकिँदा दुर्घटना भएको प्रहरीले जनाएको छ ।
घाइतेहरूको उद्धार कार्य भइरहेको र क्षतिको थप विवरण आउन बाँकी रहेको प्रहरीले जानकारी दिएको छ ।
प्रकाशित : असार १९, २०७९ १३:३६