बालिका करणी आरोपमा ६२ वर्षीय पुरुष पक्राउ- वाग्मती - कान्तिपुर समाचार

बालिका करणी आरोपमा ६२ वर्षीय पुरुष पक्राउ

टीकाप्रसाद भट्ट

रामेछाप — रामेछाप नगरपालिका ४ बस्ने ६२ वर्षीय श्यामप्रसाद घिमिरे १३ वर्षीया बालिकालाई करणी गरेको आरोपमा पक्राउ परेका छन् ।

जिल्ला प्रहरी कार्यालय रामेछापका अनुसार घिमिरेले रामेछाप ४ बस्ने १३ वर्षीया बालिकालाई ललाइफकाइ जबर्जस्ती करणी गरेका थिए । पीडित बालिका सुस्त मनस्थितिको अवस्थामा रहेको पनि प्रहरीले जनाएको छ ।

उक्त घटना कसैलाई भनेमा मार्ने धम्की दिएर जबर्जस्ती करणी गरेपछि फरार रहेका घिमिरेलाई प्रहरीले रामेछाप नगरपालिकाको सुन्तलेटारबाट पक्राउ गरेको जनाएको छ।

पक्राउ परेका घिमिरेविरुद्ध बालयौन दुरुपयोग मुद्दामा अनुसन्धान गर्न रामेछाप जिल्ला अदालतबाट ७ दिन थुनामा राख्ने आदेश लिएको प्रहरीले जनाएको छ ।

प्रकाशित : असार १४, २०७९ १५:५७
प्रतिक्रिया
पठाउनुहोस्

‘पार्टी खोल्न र होहल्ला गर्न सजिलो, तर टिकाउन गाह्रो छ’

कान्तिपुर संवाददाता

काठमाडौँ — भर्खरै सम्पन्न स्थानीय निर्वाचनमा स्वतन्त्र उम्मेदवारहरुले मूलधारका राजनीतिक दलका नेताहरुलाई झस्का दिए । काठमाडौं, धरान, जनकपुर, धनगढीजस्ता मुख्य सहरहरुमा स्वतन्त्र उम्मेदवारहरु मेयरमा विजयी भएपछि नजिकिंदै गरेको संसदीय निर्वाचनका लागि स्वतन्त्र उम्मेदवार घोषणा गर्नेहरुको लहर नै चलेको छ ।

यस्तो किन भइरहेछ ? राजनीतिशास्त्री प्राध्यापक लोकराज बरालसँग ईकान्तिपुरका ध्रुव सिम्खडाले गरेको कुराकानी:

प्रकाशित : असार १४, २०७९ १५:५६
पूरा पढ्नुहोस्
प्रतिक्रिया
पठाउनुहोस्
×