नारायणीमा माछा मार्न गएका युवक बेपत्ता
चितवन — नारायणी नदीमा माछा मार्ने क्रममा सोमबार बगेर एक जना युवक बेपत्ता भएका छन् । चितवन जिल्ला प्रहरी कार्यालयले दिएको जानकारी अनुसार भरतपुर महानगरपालिका-३ बेलचोक नारायणगढका १९ वर्षीय सुसान चौधरीलाई नदीले बगाएको हो ।
नारायणगढ पुलचोकबाट झण्डै डेढ किलोमिटर पश्चिम नगरवनबाट उनी बगेको चौधरीका साथीले प्रहरीलाई सूचना दिएका थिए । साँझ पाँच बजेतिर उक्त घटना भएको थियो ।
बेपत्ता भएका सुसानलाई खोज्न विपद् व्यवस्थापन सम्बन्धी तालिम लिएका प्रहरीहरूको टोली परिचालन भएको चितवन जिल्ला प्रहरी कार्यालयका प्रवक्ता डीएसपी नरहरि अधिकारीले बताए ।
प्रकाशित : असार १३, २०७९ २०:०६प्रतिक्रिया