एमालेद्वारा वाग्मती प्रदेशसभा बैठक अवरुद्ध- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

एमालेद्वारा वाग्मती प्रदेशसभा बैठक अवरुद्ध

सुवास विडारी

मकवानपुर — प्रमुख प्रतिपक्षी दल नेकपा एमालेले वाग्मती प्रदेशसभा बैठकमा अवरुद्ध गरेको छ । सरकारले आगामी आर्थिक वर्ष २०७९/०८० को बजेटमा व्यवसायीलाई फाइदा पुग्ने गरी करको दर निर्धारण गरेको, बजेटले सबै जिल्लालाई नसमेटेको, चुनावकेन्द्रित बजेट ल्याएको र एउटै योजना बजेट पुस्तिकमा धेरै स्थानमा दोहोरिएको आरोप लगाउँदै एमालेले सदनमा अवरोध सिर्जना गरेको हो । 

प्रदेशसभा बैठक सुरु हुनासाथ एमालेका सांसदहरुले उठेर प्रदेशसभा बैठक स्थगितको माग राखेका थिए । सभामुख सानुकुमार श्रेष्ठले एमाले मुख्य सचेतक दीपक निरौलालाई बोल्ने समय उपलब्ध गराएका थिए । मुख्य सचेतक निरौलाले बजेटमा आफ्नो पार्टीको असन्तुष्टिको विषय सदनलाई जानकारी गराएका थिए । उनले पार्टीको धारणा राखेसँगै सभामुख श्रेष्ठले प्रदेशसभा बैठक सोमबार बिहान ११ बजेसम्मका लागि स्थगित गरेका थिए ।

प्रदेशसभा बैठकअघि बसेको एमाले संसदीय दलको बैठकले समेत बजेटप्रति असन्तुष्टि व्यक्त गरेको थियो ।


प्रकाशित : असार १२, २०७९ १५:४१
प्रतिक्रिया
पठाउनुहोस्

खारखोलाको बाढीले बगायो पुलको पहुँचमार्ग

विद्यालय जान विद्यार्थीलाई सकस
हरिराम उप्रेती

गोरखा — शनिबार रातिको वर्षात्‌पछिको बाढीले पालुङटार नगरपालिका-९ स्थित खारखोला पुलको पहुँचमार्ग बगाएको छ । पैदलयात्रीलाई सजिलोका लागि बडुवा फाँट र पारी डिहि जोड्न खारखोलामा बनेको पुलको पहुँचमार्ग बाढीले बगाएको हो ।  उक्त पुल भएर धर्मोदय माध्यमिक विद्यालयका विद्यार्थी र स्थानीय आउजाउ गर्दै आएका थिए । 

पुलको पहुँचमार्ग बगाएपछि खारखोला वारपार गर्न समस्या थपिएको स्थानीय दीपक अधिकारीले बताए । ‘चार वर्षअघि पुल बनेको हो; पुल बनेपछि धर्मोदय पढ्ने विद्यार्थीलाई खारखोला वारपार गर्न निकै सजिलो भएको थियो,’ उनले भने, ‘अहिले विद्यार्थी घुमाउरो बाटोको प्रयोग गरी विर्दीनेरको काठे पुलबाट हिँड्न थालेका छन् ।’

चार वर्षदेखि प्रयोगविहीनपछि जीर्ण बनेको काठे पुल स्थानीयले आइतबारबाट पुन प्रयोग गर्न थालेका छन् । पुलको पहुँचमार्ग बगाएपछि आइतबार खारखोलावारिका ८० विद्यार्थी विद्यालयमा अनुपस्थित भएको धर्मोदय माविका प्रधानाध्यापक कृष्ण न्यौपानेले बताए । ‘केहि विद्यार्थीलाई शिक्षकले खोला तारेर ल्याउनुभयो; साना कक्षाका विद्यार्थी विद्यालय आउन सकेनन्,’ उनले भने ।

‘असारको महिना खारखोलावारी खेत छ; मान्छेलाई मेलापर्म गर्नै समस्या पर्‍यो,’ अधिकारीले भने । ‘पानी एकातिर पुल एकातिर भयो, अब एक्साभेटरको प्रयोगबाट साविककै स्थानबाट पानी बग्ने बनाएर पुलबाट हिँड्न मिल्ने बनाउँछौं,’ पाण्डेले भने ।

प्रकाशित : असार १२, २०७९ १५:२३
पूरा पढ्नुहोस्
प्रतिक्रिया
पठाउनुहोस्
x
×