बेलकोटगढीमा आगलागीबाट ५ लाखको क्षति- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बेलकोटगढीमा आगलागीबाट ५ लाखको क्षति

कृष्ण थापा

नुवाकोट — बेलकोटगढी नगरपालिका १३ लोहनी टोलस्थित एउटा घरमा आगलागी हुँदा ५ लाख बराबरको क्षति भएको पीडित परिवारले बताएका छन् ।

स्थानीय लक्ष्मी लोहनीको घरमा शनिबार बिहान पूजा गरी दियो बालेर छाड्दा आगो सल्केको थियो ।

जिल्ला प्रहरी कार्यालयका प्रहरी निरीक्षक दिलिपकुमार हुमागाईंका अनुसार आगलागीमा परेर लत्ताकपडा, भाडाकु्डा र नगद १ लाख गरी ५ लाख बराबरको क्षति भएको पीडित परिवारले बताएका छन् । आगलागीमा मानवीय क्षति भने नभएको प्रहरीले जनाएको छ ।

प्रकाशित : असार ११, २०७९ १५:३२
प्रतिक्रिया
पठाउनुहोस्

गोलियाले किच्दा युवकको मृत्यु

लक्ष्मी गौतम

पाँचथर — पाँचथरको फाल्गुनन्द गाउँपालिका ७ बरबोटेमा काठको गोलियाले किचेर १८ वर्षीय युवकको मृत्यु भएको छ ।

ज्यान गुमाउनेमा स्थानीय राजेश आङदेम्वे रहेको जिल्ला प्रहरी कार्यालय पाँचथरले जनाएको छ ।

बजारमा बिक्रीका लागि पठाउन लागिएको गोलिया पल्टाउने क्रममा आङदेम्वेलाई किचेको थियो । घटनास्थलमै ज्यान गुमाएका आङदेम्वेको शवको पोष्टमार्टम गरी आफन्तलाई बुझाउने तयारी गरिएको जिल्ला प्रहरी कार्यालय पाँचथरका प्रमुख (डीएसपी) राकेश थापाले जानकारी दिए ।

प्रकाशित : असार ११, २०७९ १५:२०
पूरा पढ्नुहोस्
प्रतिक्रिया
पठाउनुहोस्
×