कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

अवरुद्ध मुग्लिन-नारायणगढ सडक एकतर्फी सञ्चालनमा [अपडेट]

रमेशकुमार पौडेल

काठमाडौँ — पहिरो खसेपछि अवरुद्ध चितवनको नारायणगढ-मुग्लिन सडक एकतर्फी सञ्चालनमा आएको छ । पहिरो र पुरिएका गाडीहरु हटाइएपछि एकतर्फी सडक खुला भएको चितवन जिल्ला प्रहरी कार्यालयका प्रवक्ता डिएसपी नरहरि अधिकारीले जानकारी दिए ।

अवरुद्ध मुग्लिन-नारायणगढ सडक एकतर्फी सञ्चालनमा [अपडेट]

नारायणगढ-मुग्लिन सडकअन्तर्गत पर्ने जिल्लाको इच्छाकामना गाउँपालिका ६ नाग्दी खोला नजिकै शनिबार अपराह्न साढे ५ बजे सुख्खा पहिरो खसेको थियो । पहिरोमा माइक्रोबस र कार पुरिएका थिए । केही यात्रु घाइते भएका थिए ।

...........

चितवनको नारायणगढ-मुग्लिन सडक खण्डअन्तर्गत इच्छाकामना गाउँपालिका ६ नाग्दी खोला नजिकै शनिबार अपराह्न साढे ५ बजे माथिबाट सुख्खा पहिरो खसेको छ । पहिरो परी माइक्रो बस र कारमा क्षति पुगेको छ भने केही व्यक्ति घाइते भएका छन् ।

घटनाको सूचना प्राप्त हुनासाथ ईलाका प्रहरी कार्यालय, मुग्लिनबाट प्रहरी निरीक्षकको टोली त्यसतर्फ गएको चितवन जिल्ला प्रहरी कार्यालयका प्रवक्ता डिएसपी नरहरि अधिकारीले जानकारी दिए । पहिरोको कारण बाटो अवरुद्ध छ । घाइतेलाई उपचारका लागि भरतपुरतर्फ पठाइएको छ ।

प्रकाशित : जेष्ठ १४, २०७९ १८:०७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?