बिजुलीको पोलमा ग्यास बुलेट ठोक्किँदा आगलागी‚ मुग्लिन-नारायणगढ सडक अवरुद्ध- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बिजुलीको पोलमा ग्यास बुलेट ठोक्किँदा आगलागी‚ मुग्लिन-नारायणगढ सडक अवरुद्ध

रमेशकुमार पौडेल

चितवन — मुग्लिन-नारायणगढ सडकखण्डस्थित १५ किलो भन्ने ठाउँमा गुडिरहेको ग्यास बुलेटमा आगलागी हुँदा सडक अवरुद्ध भएको छ ।

शुक्रबार दिउँसो गुडिरहेको ग्यास बुलेटमा आगलागी भएको वाग्मती प्रदेश प्रहरी ट्राफिक कार्यालय रामनगर चितवनका एसपी सुशील सिंह राठौरले जानकारी दिए । आगलागीका कारण सडकमा ठूलो संख्यामा सवारी साधन बीच सडकमै रोकिएका छन् ।

उडिसाबाट धादिङका लागि हिँडेको यूपी १७ एटी ८६२७ नम्बर प्लेटको भारतीय ग्यास बुलेटको अगाडिको भागमा आगलागी भएको प्रहरीले जनाएको छ । आगो दिउँसो साढे १ बजे नियन्त्रणमा आएको प्रहरीले जनाएको छ ।

आगलागीबाट कति क्षति भयो भन्नेबारे यकिन भएको छैन । घटनास्थलमा अहिले प्रहरी टोली पुगेको छ । यद्यपि साँझसम्म सडक पुन: सञ्चालनमा ल्याउने प्रहरीले जनाएको छ ।

बिजुलीको पोलमा ठोक्किएर ग्यास बुलेटमा आगो लागेको एसपी राठौरले जानकारी दिए । आगलागीले गर्दा सवारीसाधनको चाप बढेको प्रहरीले जनाएको छ ।

प्रकाशित : जेष्ठ १३, २०७९ १३:५९
प्रतिक्रिया
पठाउनुहोस्

लुक्लामा हेलिकप्टरलाई भ्याइनभ्याइ [फोटोफिचर]

मनोज पौडेल

सोलुखुम्बु — पर्यटकीय स्थल लुक्लामा हेलिकप्टरलाई भ्याइनभ्याइ छ । पर्यटकीय मौसम सकिन लागेपछि लुक्ला विमानस्थलको हेलिप्याडमा हेलिकप्टरको आवतजावत निक्कै बाक्लिएको छ । 

अहिले लुक्लामा एकै पटक ५/६ वटासम्म हेलिकप्टर ल्यान्ड गर्ने गरेका छन् । पर्यटक पनि गन्तव्यमा पुग्नका लागि लाम लागेर प्रतीक्षा गरिरहेका देखिन्छन् । 

विशेषतः पर्यटकलाई सगरमाथा बेस क्याम्प, नाम्चेबजार, खुम्जुङ, लुबुचे र दिङबुचेलगायत ठाउँमा ल्याउने लैजानका लागि हेलिकप्टरलाई दिनभरि भ्याइनभ्याइ हुने एयर डाइनेस्टीका लुक्ला स्टेसन म्यानेजर राम लामाले बताए । कतिपयले माउन्टेन फ्लाइट गर्ने गरेका छन् । मंगलबार मौसम सफा भएपछि बिहान ७ बजेदेखि १० बजेसम्म २० भन्दा बढी फ्लाइट भएको उनले बताए । 

अहिले सगरमाथा आरोहण गरेर फर्किने आरोहीले गर्दा पनि फ्लाइट ह्वात्तै बढेको छ । कतिपय हेलिकप्टर पर्यटकलाई काठमाडौंसम्म ल्याउने-लैजाने गरेका छन् । मौसम सफा भए दिनभरमा ८० वटासम्म उडान हुने गरेको उनले बताए । मार्च, अप्रिल र मे महिना यहाँको पर्यटकीय मौसम हो । लुक्लाको हेलिप्याड हेलिकप्टरले भरिभराउ बनेको छ ।


प्रकाशित : जेष्ठ १३, २०७९ १३:५८
पूरा पढ्नुहोस्
प्रतिक्रिया
पठाउनुहोस्
×