प्रदेश सरकारद्वारा बजेट अधिवेशन आव्हान- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

प्रदेश सरकारद्वारा बजेट अधिवेशन आव्हान

दीर्घरोगीहरुलाई उपचार खर्चस्वरुप ५० हजार रुपैयाँ सहयोग रकम उपलब्ध गराउने कार्यविधि प्रदेश मन्त्रिपरिषद् बैठकबाट पास
सुवास विडारी

(मकवानपुर) — वाग्मती प्रदेश सरकारले बजेट अधिवेशन आव्हान गर्न प्रदेश प्रमुख यादवचन्द्र शर्मा सिफारिस गरेको छ । शुक्रबार बिहान बसेको मन्त्रिपरिषद् बैठकले जेठ १३ गतेका लागि बजेट अधिवेशन आह्वान गर्न सिफारिस गर्ने निर्णय गरेको हो ।

मन्त्रिपरिषद् बैठकले जेठ १३ गते बिहान ११ बजेको लागि बजेट अधिवेशन आह्वान गर्न प्रदेश प्रमुख यादवचन्द्र शर्मा समक्ष सिफारिस गरेको छ ।

सरकारका प्रवक्ता एवं आन्तरिक मामिला तथा कानुनमन्त्री कृष्णप्रसाद शर्मा खनालका अनुसार बैठकले दीर्घरोगीहरुलाई उपचार खर्चस्वरुप ५० हजार रुपैयाँ सहयोग रकम उपलब्ध गराउने कार्यविधि पास गरेको छ ।

सरकारले यसअघि नै हृदयाघात, मस्तिस्कघात, मुटु, दम, मधुमेह, फिस्टुला, क्यान्सरलगायत विभिन्न नसर्ने रोग लागेका विरामीहरुलाई उपचारको लागि ५० हजार दिने निर्णय गरेको थियो । कार्यविधि नबन्दा सर्वसाधारण बिरामीले यस सेवा प्राप्त गर्न समस्या भइरहेको थियो ।

बैठकले सामाजिक सुरक्षा कार्यक्रमअन्तर्गत् वृद्धाश्रम, अनाथालय, घाटलगायतमा दाउराको सहज आपूर्तिको व्यवस्था मिलाउने निर्णय भएको मन्त्री खनालले बताए ।

प्रकाशित : जेष्ठ ६, २०७९ ११:५१
प्रतिक्रिया
पठाउनुहोस्

बालुवाटारमा बलात्कारविरुद्ध प्रदर्शन

तस्बिर : इलिट जोशी

काठमाडौँ — आठ वर्षअघि भएको एउटा सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै बालुवाटारमा बलात्कारविरुद्धको प्रदर्शन भएको छ ।

सन् २०१४ मा भएको ‘मिस ग्लोबल इन्टरनेसनल’ प्रतियोगितामा सहभागी उनलाई आयोजकले होटलमा बोलाएर पहिलोपटक बलात्कार गरेको र त्यहाँ खिचेको फोटो र भिडियोले ‘ब्ल्याकमेल’ गर्दै निरन्तर ६ महिनासम्म यौन शोषण गरेको विषय सार्वजनिक भएसँगै बालुवाटारस्थित प्रधानमन्त्री निवास अगाडि बलात्कारविरुद्ध प्रदर्शन भएको हो ।

प्रदर्शनकारीहरूले बलात्कार र अन्य यौनजन्य हिंसासम्बन्धी उजुरी गर्ने हदम्याद हटाउनुपर्ने‚ बलात्कार र यौनजन्य हिंसाका मुद्दाहरूको निर्णय गर्न ‘फास्ट ट्र्याक’ अदालतको स्थापना गर्नुपर्नेलगायत माग गर्दै प्रदर्शन गरेका हुन् ।

प्रदर्शनकारीहरूले ‘बलात्कार पीडितलाई न्याय दे’‚ ‘दोषीलाई सजाय दे’ लगायत नारा लगाएका थिए । मुलुकी ऐनमा बलात्कारविरुद्ध उजुरी गर्न एकवर्षे हदम्याद तोकिएको छ ।

बुधबार टिकटक र बिहीबार इन्स्टाग्रामबाट भिडियोमार्फत पीडित युवतीले आफूमाथि भएको घटनाको विस्तृत खुलासा गरेसँगै उनको समर्थन र बलात्कारविरुद्धको प्रदर्शन भएको हो ।


प्रकाशित : जेष्ठ ६, २०७९ ११:४९
पूरा पढ्नुहोस्
प्रतिक्रिया
पठाउनुहोस्
×