नुवाकोटको सूर्यगढीमा दोहोरिए कांग्रेसका तामाङ र ढकाल- वाग्मती - कान्तिपुर समाचार

नुवाकोटको सूर्यगढीमा दोहोरिए कांग्रेसका तामाङ र ढकाल

कृष्ण थापा

नुवाकोट — सूर्यगढी गाउँपालिकाको अध्यक्ष र उपाध्यक्षमा नेपाली कांग्रेसका सन्तबहादुर तामाङ र उपाध्यक्षमा मन्जु बुढाथोकी ढकाल पुनः निर्वाचित भएका छन् । अध्यक्षमा तामाङले ३ हजार ७५९ मत प्राप्त गर्दा उनका प्रतिद्वन्द्वी नेकपा एमालेका राजेन्द्र रिजालले २ हजार ८८९ मत ल्याए ।


त्यसैगरी उपाध्यक्षमा ढकालले ३ हजार २०३ मत प्राप्त गर्दा उनका प्रतिद्वन्द्वी एमालेकी गंगा आचार्यले २ हजार ९३२ मत पाइन् ।

०७४ स्थानीय निर्वाचनमा अध्यक्ष तामाङले ३ हजार २०० मत र उपाध्यक्ष बुढाथोकीले २ हजार ९८८ मत ल्याएका थिए ।

प्रकाशित : जेष्ठ ३, २०७९ १२:०२
प्रतिक्रिया
पठाउनुहोस्

गुल्मीको कालिगण्डकी अध्यक्षमा कांग्रेस र उपाध्यक्षमा एमाले उम्मेदवार विजयी

गगनशिला खड्का

गुल्मी — गुल्मी जिल्लाको कालिगण्डकी गाउँपालिकाको अध्यक्षमा नेपाली कांग्रेसका वेदबहादुर थापा र उपाध्यक्षमा नेकपा (एमाले)की मञ्जुकुमारी दर्लामी निर्वाचित भएकी छन् ।

अध्यक्षमा कांग्रेसका थापाले ४ हजार ८ सय १० मत ल्याएका छन् । उपाध्यक्षमा एमालेकी दर्लामीले ४ हजार ४ सय ८४ मत ल्याएर निर्वाचित भएको निर्वाचनअधिकृतको कार्यालयले जनाएको छ ।

गाउँपालिका अध्यक्षपदमा निकटतम प्रतिस्पर्धी नेकपा (एमाले)का रामजी ढकालले ४ हजार ६ सय ७७ मत ल्याएका छन् । उपाध्यक्षमा राष्ट्रिय जनमोर्चाकी तारा थापाले ४ हजार ३ सय ८४ मत पाएकी थिइन् ।

गाउँपालिकामा रहेका ७ वटा वडामध्ये ३ एमाले ३ वटा कांग्रेस र एउटा वडामा राष्ट्रिय जनमोर्चाले जितेको छ ।

प्रकाशित : जेष्ठ ३, २०७९ ११:५९
पूरा पढ्नुहोस्
प्रतिक्रिया
पठाउनुहोस्
×