नुवाकोटको तारकेश्वरमा कांग्रेसका अधिकारी र माओवादीका रिमाल विजयी

नुवाकोट — तारकेश्वर गाउँपालिकाको अध्यक्षमा सत्ता गठबन्धनबाट नेपाली कांग्रेसका शिव अधिकारी र उपाध्यक्षमा माओवादी केन्द्रका हरिप्रसाद रिमाल निर्वाचित भएका छन् । अधिकारीले ५ हजार ६ सय ६५ मत पाए भने उनका निकटतम प्रतिद्वन्द्वी नेकपा एमालेका रमेश वस्तीले  ३ हजार ३ सय ४१ मत ल्याए ।

पराजित वस्तीले ०७४ सालको निर्वाचन ३ हजार ६१४ मत ल्याएर अध्यक्ष जितेका थिए । त्यतिबेला वस्तीका तत्कालीन प्रतिद्वन्द्वी नेपाली काग्रेसकै चोकराज शाक्यले २ हजार ६८८ मत पाएर पराजित भए ।

त्यसैगरी उपाध्यक्षमा गठबन्धनबाट माओवादीका हरिप्रसाद रिमालले ४ हजार ६५८ मत ल्याए । उनका निकटतम प्रतिद्वन्द्वी एमालेका कोपिला भट्टले ३ हजार ३९३ मत ल्याई पराजित भए । नुवाकोटको १० पालिकामा मतपरिणाम आउन बाँकी छ ।