काभ्रे — काभ्रेका विभिन्न स्थानीय तहमा रोकिएको मतदान पुन: सुरु भएको छ ।
पाँचखाल-१३–कोशीदेखास्थित श्रीराम मावि बाहेक काभ्रेका स्थगित भएका सबै ठाउँमा मतदान पुन: सुरु भएको हो ।
पूर्वी नवलपरासी — यहाँकी १ सय ३ वर्षीया वृद्धाले मतदान गरेकी छन् । जिल्ला निर्वाचन कार्यालयका अनुसार कावासोती नगरपालिका वडा नम्बर ८ की भागीरथी पराजुलीले ज्ञानोदय मावि केन्द्रबाट शुक्रबार मतदान गरेकी हुन् ।
उनका नातीहरुले ह्विलचियरमा राखेर भोट खसाल्न मतदान केन्द्रमा ल्याएका थिए । पूर्वी नवलपरासीमा सबैभन्दा बढी उमेरमा मतदान गर्ने पनि पराजुली हुन् ।
२०१५ सालको आम निर्वाचनदेखि उनले मत हालेकी थिइन् । त्यतिबेला गुल्मीको पुर्तिघाटबाट मतदान गरेको उनका नातीले जानकारी दिए ।
