डोजरबाट झरेको ढुङ्गा लाग्दा युवकको मृत्यु- वाग्मती - कान्तिपुर समाचार

डोजरबाट झरेको ढुङ्गा लाग्दा युवकको मृत्यु

केदार शिवाकोटी

दोलखा — डोजरको बकेटबाट खसेको ढुङ्गाले लाग्दा दोलखामा एक युवकको मृत्यु भएको छ । भीमेश्वर नगरपालिका ५ विसन्टोलनजिकै ४ सय केभी प्रसारण लाइनको टावरको खाल्डो खन्ने क्रममा डोजरले पन्छाउने क्रममा बकेटबाट झरेको ढुङ्गाले लागेर स्थानीय २१ वर्षीय विजय श्रेष्ठको मृत्यु भएको प्रहरीले जनाएको छ । 

ढुङ्गाले लागेर अचेत भएका उनलाई उपचारका लागि चरिकोट ल्याउँदै गर्दा बाटैमा मृत्यु भएको प्रहरीले जनाएको छ । खाल्डो खनिरहेको डोजर र डोजर चालकलाई नियन्त्रणमा लिएर अनुसन्धान अघि बढाइएको प्रहरीले जनाएको छ ।

प्रकाशित : वैशाख २९, २०७९ १९:०८
प्रतिक्रिया
पठाउनुहोस्

तेह्रथुममा फलामे जालीभित्र मतगणनाको तयारी

चन्द्र कार्की

तेह्रथुम — स्थानीय तह निर्वाचनको मतगणनाका लागि जिल्लाका सबै मतगणना स्थलमा फलामे जाली लगाइएको छ । मतगणना स्थलको सुरक्षाका लागि फलामे जाली लगाएर मतगणना गर्ने तयारी गरीएको मुख्य निर्वाचन अधिकृत महेन्द्रप्रसाद पोखरेलले जानकारी दिए । 


प्रत्येक मतगणना स्थलमा सीसीटीभी क्यामेरासमेत जडान गरिएको छ । मतदान सम्पन्न भएलगत्तै मतगणना स्थललाई कडा सुरक्षा घेरामा राखिने प्रमुख जिल्ला अधिकारी अनोजकुमार घिमिरेले बताए ।

मतगणना स्थलमा मोबाइल फोन पूर्ण रुपमा निषेध गरिएको छ । एउटा राजनीतिक दलबाट दुई जना गणना प्रतिनिधि एक पटकमा बस्न पाइने व्यवस्था गरिएको छ ।

प्रकाशित : वैशाख २९, २०७९ १९:०२
पूरा पढ्नुहोस्
प्रतिक्रिया
पठाउनुहोस्
×