मकवानपुरमा १६५ मतदान स्थल- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरमा १६५ मतदान स्थल

कान्तिपुर संवाददाता

मकवानपुर — स्थानीय तहको निर्वाचनमा मकवानपुरका १० पालिकामा १६५ मतदानस्थल रहने जिल्ला निर्वाचन व्यवस्थापन समितिले जनाएको छ ।

समितिले मतदान स्थलको भौगोलिक अवस्थाको विश्लेषण, सुरक्षा संवेदनशीलता, जनशक्ति व्यवस्थापनलगायत अध्ययन गरेर प्रतिवेदन तयार पारेको हो ।

प्रतिवेदन गृह मन्त्रालयमा पठाएको मकवानपुरका प्रमुख जिल्ला अधिकारी एवं समितिका संयोजक भरतमणि पाण्डेले बताए । यसअघि मकवानपुरमा १६४ वटा मतदानस्थल थियो । मतदाता संख्या बढेकाले मतदान केन्द्र पनि बढ्ने भएको हो ।

प्रकाशित : फाल्गुन २६, २०७८ ०६:३८
प्रतिक्रिया
पठाउनुहोस्

समयमा पहिचान नगरे जलविन्दुले दृष्टि नै गुम्न सक्ने 

कान्तिपुर संवाददाता

काठमाडौँ — जलविन्दु समयमा पहिचान नगरे दृष्टि नै गुम्न सक्ने खतरा हुने चिकित्सकले बताएका छन् । नेपालमा सन् २०११ मा गरिएको एक सर्भेका अनुसार कुल अन्धोपनमध्ये ५ प्रतिशत जलविन्दुको कारणले हुने गरेको देखाएको छ । विश्वमा सन् २०४० सम्म ११ करोड १८ लाखलाई जलविन्दु हुने अनुमान गरिएको छ ।९० प्रतिशत पत्ता नलागेको अवस्थामा रहेको छ ।१ अर्ब आँखा स्वास्थ्य सेवाको पहुँच बाहिर रहेका छन् । 


तिलगंगा आँखा प्रतिष्ठानकी जलविन्दुु युुनिटका प्रमुुख तथा जलविन्दुु विशेषज्ञ डा. इन्दिरा पौडेलका अनुसार यो रोग वंशाणुगत, ४० वर्ष उमेरभन्दा माथिकालाई, बढी पावर र माइनस पावर भएकोलाई, आँखामा चोट लागेकालाई बढी सम्भावना हुन्छ ।

डा पौडेल भन्छिन्–‘ आँखा भित्रको चापमा वृद्धि भई दृष्टि नशालाई नराम्रो असर पारी दृष्टि क्षमतालाई उपचारै नलाग्ने गरी दृष्टिविहीन बनाउने रोगलाई जलविन्दु भनिन्छ । विश्वभरिमै दृष्टिविहीन गराउने प्रमुख रोगहरु मध्ये यो दोस्रोमा पर्दछ ।’ उनले धेरै लक्षण नहुने र सुटुक्क थाहा नै नदिई दृष्टि चोरेर लाने भएर भएकालाई यो रोगलाई ‘साइलेन्ट थिफ अफ साइट’ पनि भनिने र बालबालिकादेखि ज्येष्ठ नागरिकसम्म जसलाई पनि यो रोग लाग्न सक्ने बताउँछिन् ।

अन्तर्राष्ट्रियरुपमा १२ मार्च लाई विश्व जलविन्दु दिवसको रुपमा मनाइन्छ भने मार्चको दोस्रो सातालाई जलविन्दु सप्ताहको रुपमा मनाइन्छ । समयमै यसको पहिचान भई उपचार गर्न सकेमा रोकथाम गर्न सकिने र ढिलो भएका दृष्टि नै गुम्ने सम्भावना रहकालेसमयमै जाँच तथा परीक्षण गर्नुपर्ने डा पौडेलको भनाइ छ ।

तिलगंगा आँखा प्रतिष्ठानअन्तर्गत नेपाल जलविन्दु आँखा क्लिनिकले जलविन्दु रोगसम्बन्धी चेतना जगाउने साथै जाँच तथा उपचार उपलब्ध गराउने उद्देश्यले यही फागुन २२ देखि २८ गतेसम्म २० औं जलविन्दु सचेतना सप्ताह २०७८ सञ्चालन गरिरहेको छ ।

सप्ताहमा मुलुकका विभिन्न क्षेत्रबाट आएका नयाँ तथा पुरानो गरेर बिरामीको जाँच तथा उपचार प्रदान गरिने र जलविन्दुसम्बन्धी विभिन्न जानकारी तथा परामर्श प्रदान गरिने प्रतिष्ठानले जनाएको छ ।

प्रकाशित : फाल्गुन २५, २०७८ २२:०६
पूरा पढ्नुहोस्
प्रतिक्रिया
पठाउनुहोस्
×