सिन्धुलीमा अटो दुर्घटना हुँदा १ को मृत्यु, २ जना घाइते
सिन्धुली — सिन्धुलीको कमलामाइ नगरपालिका १ को डाँडीगुराँसे बलौटामा आइतबार अटो दुर्घटना एकको मृत्यु भएको छ ।
सदरमुकामबाट मरिण गाउँपालिकातर्फ जाँदै गरेको मधेस प्रदेश २–००२–००१ ह १८२७ नं अटो अनियन्त्रित भइ दुर्घटना हुँदा स्थानीय ३२ वर्षीय विष्णु परियारको मृत्यु भएको प्रहरीले जनाएको छ । दुर्घटनामा अटोमा रहेका २ जना घाइतेको सिन्धुली अस्पतालमा उपचार भइरहेको छ ।
अटो चालक भूपाल विकलाई नियन्त्रणमा लिएर अनुसन्धान अगाडि बढाएको डिएसपी मनोजकुमार लामाले जानकारी दिए ।