कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

चेपाङ बस्तीमा एकै दिन हजार बढीलाई खोप

मकवानपुर — मकवानपुरको चेपाङ बाहुल्य राक्सिराङ र कैलाश गाउँपालिकामा शुक्रबारदेखि कोरोनाविरुद्धको खोप अभियान सुरु गरिएको छ । अभियानको पहिलो दिनमै एक हजारभन्दा धेरैले खोप लगाएका छन् ।

चेपाङ बस्तीमा एकै दिन हजार बढीलाई खोप

राक्सिराङका ४ वडामा खटिएको स्वास्थ्यकर्मीको १० वटा टोलीले कुल ५ सय ८७ जनालाई खोप लगाएको गाउँपालिका स्वास्थ्य शाखा प्रमुख विजय कापरीले बताए । उनका अनुसार हालसम्म गाउँपालिकाका ४० प्रतिशत स्थानीयले पहिलो मात्रा र २७ प्रतिशतले मात्र दोस्रो मात्रा खोप लगाएका छन् । स्थानीय खोप लगाउन स्वास्थ्यचौकीमा नआएकाले अहिले घरदैलो गर्दै खोप अभियान सञ्चालन गरिएको हो ।

यसैगरी, कैलाशका ८ स्थानमा ४ सय ५२ जनालाई खोप लगाइएको छ । जसमध्ये पहिलो मात्रा लगाउनेको संख्या २ सय ८९ र दोस्रो मात्रा लगाउनेको संख्या १ सय ६३ रहेको स्वास्थ्य शाखा प्रमुख श्यामसुन्दर महतोले बताए । अभियान एक साताभरि सञ्चालन हुने स्वास्थ्य कार्यालयले जनाएको छ ।

‘घरघरमै गएर खोप लगाउने लक्ष्य लिएका छौं,’ राक्सिराङ अध्यक्ष राजकुमार मल्लले भने । माघ १५ सम्म खोप नलगाउने स्थानीयलाई कुनै पनि सेवासुविधा उपलब्ध नगराउने निर्णय दुवै पालिकाले गरेका छन् ।

प्रकाशित : माघ ८, २०७८ ०८:०९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?