१७.१२°C काठमाडौं
काठमाडौंमा वायुको गुणस्तर: १६३

बजेट नहुँदा कोभिड अस्पताल बन्द

कोभिड महामारीबीच भर्ना गरिएका स्वास्थ्यकर्मीलाई तलबभत्ता दिन नसकेपछि १५ जनाले पहिल्यै छोडेका, बाँकी ३४ जनालाई बिदाइ

सिन्धुली — कोरोना संक्रमणको तेस्रो लहर बढ्न थाले पनि यहाँ सञ्चालित कोभिड अस्पताल भने अझै सञ्चालनमा आएको छैन । बजेट अभावमा जिल्ला अस्पतालअन्तर्गत सञ्चालित कोभिड अस्पताल तीन महिनाअघिदेखि बन्द छ ।

बजेट नहुँदा कोभिड अस्पताल बन्द

वाग्मती प्रदेश, स्थानीय तह र जनस्तरबाट रकम संकलन गरेर निर्माण भएर सञ्चालनमा आएको वर्ष दिन नपुग्दै बजेट अभावमा स्वास्थ्यकर्मीलाई निरन्तरता दिन नसकेपछि कोभिड अस्पताल बन्द भएको हो ।

बजेट अभावमा अस्पतालमा कार्यरत कर्मचारी धान्न नसकेपछि कर्मचारीलाई बिदा गरी पूर्ण रूपमा बन्द गरिएको अस्पतालले जनाएको छ । दोस्रो लहरको संक्रमण बढेसँगै सिन्धुली अस्पतालको युनिटका रूपमा रहने गरी ५० शय्याको कोभिड अस्पताल सञ्चालनमा ल्याइएको थियो । कोभिड अस्पतालका आइसोलेसन इन्चार्ज एवं रेडियोग्राफर अमृत कार्कीका अनुसार कोभिड महामारीबीच भर्ना गरिएका स्वास्थ्यकर्मीलाई तलबभत्ता दिन नसकेपछि बन्द गरिएको हो । यो आर्थिक वर्षमा प्रदेश सरकार तथा स्थानीय तहले बजेट व्यवस्था नगर्दा स्वास्थ्यकर्मीलाई बिदा गर्नुपरेको कार्कीको भनाइ छ ।

स्वास्थ्यकर्मीमध्ये लामो समयदेखि नियमित तलब नपाउँदा १५ जनाले यसअघि नै अस्पताल छाडेका थिए । बाँकी ३४ जनालाई बिदाइ गरिएको छ । वाग्मती प्रदेश र स्थानीय तहहरुले अस्पतालका लागि आवश्यक खर्च व्यवस्थापन गर्ने भनिए पनि अहिले आएर चासो नदेखाएपछि कर्मचारीको बिदाइ गरेर बन्द गर्नुपरेको अस्पतालका अध्यक्ष प्रल्लाद पोखरेलको गुनासो छ । स्वास्थ्य मन्त्रालयले अस्पताल सञ्चालनमा ल्याउन निर्देशन गरेकाले तयारीमा लागेको उनले जनाए । सिन्धुली अस्पतालका मेडिकल सुपरिन्टेन्डेन्ट डा. उमेश प्रधानले प्रदेश सरकारले अस्पताल सञ्चालनका लागि कर्मचारी व्यवस्थापन गर्न छुट्याएको ६० लाख रुपैयाँ गत कात्तिकबाट समाप्त भएकाले आगामी दिनका बारेमा कतैबाट निर्णय हुन नसक्दा तलब दिने स्रोत नै नभएपछि अस्पताल बन्द गरिएको बताए ।

प्रकाशित : माघ १, २०७८ २२:२२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?