नुवाकोटमा दन्त चिकित्सक मृत फेला- वाग्मती - कान्तिपुर समाचार

नुवाकोटमा दन्त चिकित्सक मृत फेला

कृष्ण थापा

नुवाकोट — नुवाकोटको सदरमुकाम विदुरस्थित सञ्जीवनी पोलीक्लिनिक एन्ड हस्पिटलमा कार्यरत एक दन्त चिकित्सक मृत भेटिएका छन् ।

विदुर नगरपालिका-१ ढुंगेका स्थानीय २६ वर्षीय शशांक पाण्डे मृत फेला परेका हुन् । उनी घरनजिकै मृत फेला परेको जिल्ला प्रहरी कार्यालय नुवाकोटले जनाएको छ ।

उनको मृत्युको कारण भने हालसम्म नखुलेको प्रहरीले जनाएको छ । पाण्डेको मृत्युबारे अनुसन्धान भइरहेको प्रहरीले जानकारी दिएको छ ।

प्रकाशित : पुस २९, २०७८ १६:१७
प्रतिक्रिया
पठाउनुहोस्

राष्ट्रिय जनमोर्चाको प्रदेश सम्मेलन फागुनमा

रासस

काठमाडौँ — राष्ट्रिय जनमोर्चाले आगामी फागुन ६ र ७ गते प्रदेश सम्मेलन गर्ने भएको छ । 

फाइल तस्बिर


यसअघि पार्टीको प्रदेश सम्मेलन आउँदो माघको १५ र १६ गतेका लागि तोकिएको थियो । पछिल्लो समय कोभिड-१९ को नयाँ भेरिएन्ट ओमिक्रोनको बढ्दो जोखिम र कतिपय आवश्यक तयारी पूरा हुन नसकेका कारण सातवटै प्रदेश सम्मेलन केही सातापछि सारेको अध्यक्ष चित्रबहादुर केसीले जानकारी दिए ।

देशव्यापीरूपमा सङ्गठन सुदृढीकरण अभियान थालेको पार्टीले मातहतका प्रदेश, जिल्ला, स्थानीय कमिटीलाई स्वास्थ्य मापदण्ड अपनाएर मात्र राजनीतिक कार्यक्रम सञ्चालन गर्न आग्रह गरेको छ ।

जनताको प्रत्यक्ष सरोकार राख्ने समस्या समाधानमा जनवर्गीय सङ्गठनलाई निर्देशन गरेको पार्टीले भीड हुने सभा-सम्मेलनलाई समेत स्थगन गरेको छ । राष्ट्रिय जनमोर्चाले संघीयताको विरोध गर्दै आइरहेको छ ।

प्रकाशित : पुस २९, २०७८ १६:०८
पूरा पढ्नुहोस्
प्रतिक्रिया
पठाउनुहोस्
x
×