मरिणको महोत्सव रोकियो

कोरोनाको तेस्रो भेरिएन्ट र ओमिक्रोन फैलन सक्ने भन्दै प्रशासनबाट भेला जम्मा नहुन आदेश गरिएको छ । पाँच दिन अघिबाट मरिण गाउँपालिकाको वडा नं ४ सहानमा कृषि व्यवसायको प्रवर्द्धन र समृद्ध मरिणको नारा दिएर माघ ३ गतेसम्मका लागि महोत्सव जारी थियो ।

कोरोनाको नयाँ भेरिएन्ट ओमिक्रोन फैलने भयले गर्दा महोत्सव रोकिएको गाउँपालिका अध्यक्ष पानीराज बम्जनले बताए । महोत्सवका लागि गाउँपालिकाले २५ लाख लगानी गरेको थियो । महोत्सव रोकिएसँगै २० लाख बढी घाटा आयोजकलाई भएको उद्योग वाणिज्य संघ मरिणका अध्यक्ष चिनध्वज बम्जनले जानकारी दिए ।