रसुवागढी नाका जोड्ने सडकको पहिरो बुधबार बिहानबाट पन्छाउन थालिने  - वाग्मती - कान्तिपुर समाचार
कान्तिपुर वेबसाईट
AdvertisementAdvertisement

रसुवागढी नाका जोड्ने सडकको पहिरो बुधबार बिहानबाट पन्छाउन थालिने  

बलराम घिमिरे

रसुवा — रसुवागढी नाका जोड्ने सडकमा झरेको पहिरो बुधबार बिहानबाट पन्छाउन थालिने भएको छ । मंगलबार बिहान झरेको सुक्खा पहिरोका कारण रसुवागढी नाका जोड्ने स्याफ्रुबेंसी–रसुवागढी सडकखण्ड अवरुद्ध छ ।

सुक्खा पहिरो धेरै ठूलो छ, जसकारण यातायातका साधन सञ्चालनमा आउन सकेका छैनन् ।

सडक खुलाउने प्रयास भइरहेको प्रमुख जिल्ला अधिकारी नवराज जैसीले बताए । ‘करिब सय मिटर माथिबाट आएको पहिरोको लम्बाइ करिब सय मिटर जति नै छ,’ उनले भने । तीन वटा मेसिन प्रयोग गरेर भए पनि पनि बुधबार बेलुकीसम्ममा सडक खुलाइने उनले जानकारी दिए ।

बाटो अवरुद्ध हुँदा रसुवागढी नाकाबाट सामान लोड भएर आएका कन्टेनर र अन्य सानाठूला सवारी बाटोमै अलपत्र छन् ।

पहिरोले विद्युत्‌का पोलमा पनि क्षति पुर्‍याएको बताइएको छ । टिमुरे क्षेत्रमा इन्टरनेट र विद्युत् सेवा नै अवरुद्ध भएको छ ।

प्रकाशित : पुस २०, २०७८ २२:०७
प्रतिक्रिया
पठाउनुहोस्

एमाले जिल्ला अधिवेशनमा विद्युतीय मतदान

कान्तिपुर संवाददाता

काभ्रे — एमाले काभ्रेले १० औं जिल्ला अधिवेशनमा विद्युतीय मतदान गर्ने भएको छ । पुस २३ मा धुलिखेलमा हुने अधिवेशनलाई प्रविधिमैत्री बनाउने गरी सम्पूर्ण तयारी गरिएको जिल्ला अध्यक्ष अशोकुमार व्याञ्जु श्रेष्ठले बताए । जिल्ला कमिटीमा अध्यक्ष, उपाध्यक्ष, सचिव र दुई उपसचिवसहित १ सय ५ सदस्यका लागि निर्वाचन हुँदै छ । 

३५ वटा मेसिनबाट १ हजार ४ सय प्रतिनिधिले मतदान गर्ने प्रतिनिधि व्यवस्थापन समिति संयोजक नारायण पाण्डेले जानकारी दिए । उनका अनुसार वडा तहबाट १ हजार ३ सय ५८ प्रतिनिधि छनोट भएको र केही संख्या जिल्ला कमिटीले मनोनयन गर्नेछ । प्रतिनिधि स्वयंले अनलाइन फाराम भरेपछि प्राप्त हुने बार कोडकै आधारमा मतदान गर्न पाइने व्यवस्था गरिएको उनले बताए ।

यसैबीच, एमालेको अधिवेशन अवधिभर धुलिखेलका होटलले कोठा, खाना र पेय पदार्थमा २५ प्रतिशत छुट दिने भएका छन् ।

प्रकाशित : पुस २०, २०७८ २१:५३
पूरा पढ्नुहोस्
प्रतिक्रिया
पठाउनुहोस्
×