कांग्रेस केन्द्रीय सदस्यमा वाग्मतीबाट केसी, रञ्‍जित र नेपाल निर्वाचित- वाग्मती - कान्तिपुर समाचार
कांग्रेस महाधिवेशन

कांग्रेस केन्द्रीय सदस्यमा वाग्मतीबाट केसी, रञ्‍जित र नेपाल निर्वाचित

कान्तिपुर संवाददाता

काठमाडौँ — वाग्मती प्रदेशबाट कांग्रेसको केन्द्रीय सदस्यमा राजेन्द्रकुमार केसी, ध्यानगोविन्द रञ्जित र उर्मिला नेपाल केसी निर्वाचित भएका छन् । प्रदेशको खुलातर्फ केसी र रञ्जित विजयी भएका हुन् । केसीले २ हजार १२९ मत पाएका छन् भने रञ्जितले २ हजार ४१९ मत पाएका छन् ।

त्यस्तै, महिलातर्फ उर्मिला नेपाल केसी २ हजार ३४९ मतसहित विजयी भएकी छन् । प्रतिनिधिसभा सदस्य रहेका केसी नेता शेखर कोइराला निकट हुन् भने रञ्जित र नेपाल सभापति शेरबहादुर देउवा समूहका उम्मेदवार हुन् ।

त्यही पदका प्रत्यासी ध्रुवप्रसाद अधिकारीले २ हजार १११, निमा ग्याल्जेन शेर्पाले ३७५, मनोज रानाले २४५ र रमेशप्रसाद धमलाले १६८४ मत पाएका छन् ।

त्यस्तै, महिलातर्फ कृष्णा अमात्यले ५५१ र विष्णुदेवी पुडासैनीले १६७० मत पाएका छन् ।

प्रकाशित : पुस ६, २०७८ १८:१३
प्रतिक्रिया
पठाउनुहोस्

दोलखामा मोटरसाइकल दुर्घटना एकको मृत्यु 

केदार शिवाकोटी

दोलखा — दोलखाको मेलुङ गाउँपालिका—३ गोलेगाउँमा मोटरसाइकल दुर्घटनामा एक जनाको मृत्यु भएको छ । एक जना गम्भीर घाइते भएका छन् ।

बा ६१ प १७०३ नम्बरको मोटरसाइकल दुर्घटना हुँदा शैलुङ गाउँपालिका—८ का अन्दाजी ६० वर्षीय डम्बर थपलियाको मृत्यु भएको जिल्ला ट्राफिक प्रहरी कार्यालयका प्रमुख भानुभक्त निरौलाले बताए । उनका अनुसार दुर्घटनामा सख्त घाइते भएका मोटरसाइकल चालक मोहन थपलियालाई उपचारका लागि काठमाडौं लगिएको छ ।

गोलेगाउँबाट मंगलबार दिउँसो शैलुङ गाउँपालिका आउँदै गरेको मोटरसाइकल कच्ची सडकमा चिप्लिएर ७० मिटर तल खसेरको प्रहरीले जनाएको छ ।

प्रकाशित : पुस ६, २०७८ १७:५४
पूरा पढ्नुहोस्
प्रतिक्रिया
पठाउनुहोस्
×