१६.१२°C काठमाडौं
काठमाडौँ — वाग्मती प्रदेशबाट कांग्रेसको केन्द्रीय सदस्यमा राजेन्द्रकुमार केसी, ध्यानगोविन्द रञ्जित र उर्मिला नेपाल केसी निर्वाचित भएका छन् । प्रदेशको खुलातर्फ केसी र रञ्जित विजयी भएका हुन् । केसीले २ हजार १२९ मत पाएका छन् भने रञ्जितले २ हजार ४१९ मत पाएका छन् ।
त्यस्तै, महिलातर्फ उर्मिला नेपाल केसी २ हजार ३४९ मतसहित विजयी भएकी छन् । प्रतिनिधिसभा सदस्य रहेका केसी नेता शेखर कोइराला निकट हुन् भने रञ्जित र नेपाल सभापति शेरबहादुर देउवा समूहका उम्मेदवार हुन् ।
त्यही पदका प्रत्यासी ध्रुवप्रसाद अधिकारीले २ हजार १११, निमा ग्याल्जेन शेर्पाले ३७५, मनोज रानाले २४५ र रमेशप्रसाद धमलाले १६८४ मत पाएका छन् ।
त्यस्तै, महिलातर्फ कृष्णा अमात्यले ५५१ र विष्णुदेवी पुडासैनीले १६७० मत पाएका छन् ।
