किशोरीलाई जबरजस्ती करणी गरेको आरोपमा पक्राउ- वाग्मती - कान्तिपुर समाचार

किशोरीलाई जबरजस्ती करणी गरेको आरोपमा पक्राउ

कान्तिपुर संवाददाता

रामेछाप — किशोरीलाई जबरजस्ती करणी गरेको आरोपमा प्रहरीले रामेछापमा एक युवालाई पक्राउ गरेको छ । एक साताअघि १५ वर्षीया किशोरीलाई जबरजस्ती करणी गरेको आरोपमा गोठगाउँका ३२ वर्षीय नवराज कार्कीलाई पक्राउ गरिएको जिल्ला प्रहरी कार्यालय रामेछापका प्रहरी नायब उपरीक्षक नवराज ढुंगानाले जानकारी दिए । 


पीडित परिवारले प्रहरीमा उजुरी गरेपछि कार्कीलाई सोमबार साँझ रामेछाप नगरपालिका-१ बाट पक्राउ गरेको थियो ।

कार्की विरुद्ध जबरजस्ती करणीको अभियोगमा अनुसन्धान गर्न रामेछाप जिल्ला अदालतबाट बुधबार ५ दिनको म्याद लिई हिरासतमा राखिएको डीएसपी ढुंगानाले बताए ।

प्रकाशित : मंसिर १६, २०७८ १५:३२
प्रतिक्रिया
पठाउनुहोस्

सेयर बजार राताम्मे, २६ सयमुनि झर्‍यो परिसूचक

कान्तिपुर संवाददाता

काठमाडौँ — सेयर बजारको परिसूचक नेप्से २६ सयमुनि झरेको छ । साता कारोबारको अन्तिम दिन बिहीबार ४९ अंक घटेसँगै परिसूचक २५८४ मा कायम भएको हो । यस दिन कारोबार रकम भने केही बढेको छ । हिजो २ अर्ब ७४ करोडको धितोपत्र कारोबार भएकोमा आज ३ अर्ब ४१ करोड कायम भएको छ । कुल १७७ कम्पनीको सेयर मूल्य घट्दा ११ कम्पनीको मात्रै बढ्यो ।  

सबै उपसमूह राताम्मे भएका छन् । बैंकिङ १७, ब्यापार ३६, होटल तथा पर्यटन ६२, विकास बैंक १८९, जलविद्युत ६६, फाइनान्स ९३, निर्जीवन बीमा २४५, उत्पादन १५३, अन्य ७५, माइक्रोफाइनान्स ८४ र जीवन बीमा २३० अंकले घटे ।

बजार राताम्मे हुँदा दुई कम्पनीको मूल्य १० प्रतिशतले बढेको छ । सामलिङ पावर र न्यादी हाइड्रोपावरको मूल्य १० प्रतिशतले बढेको हो । हालै सूचीकृत भएकाले यी कम्पनीको मूल्य केही दिनयता निरन्तर १० प्रतिशतले बढेको छ । सामलिङको मूल्य प्रतिकित्ता ५०७.५० तथा न्यादीको ४१३.१० रुपैयाँ पुगेको छ ।

प्रकाशित : मंसिर १६, २०७८ १५:१५
पूरा पढ्नुहोस्
प्रतिक्रिया
पठाउनुहोस्
×