कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

सिन्धुलीमाडीको आगलागी ५ घण्टापछि नियन्त्रणमा

राजकुमार कार्की

सिन्धुली — ५ घण्टाको लगातार प्रयासपछि सिन्धुलीको कमलामाई नगरपालिका ६ रातमाटामा रहेको शाह आयरन एण्ड इलेक्ट्रिक सेन्टरमा मंगलबार बिहानदेखि भएको आगलागी नियन्त्रणमा आएको छ ।

सिन्धुलीमाडीको आगलागी ५ घण्टापछि नियन्त्रणमा

छिमेकी जिल्ला रामेछाप, दुधौली नगरपालिका र कमलामाई नगरपालिकाको गरी तीनवटा दमकलकबाट पानी छर्किएर आगलागी नियन्त्रणमा लिइएको प्रहरीले जनाएको छ । ५ घण्टासम्म आगलागी हुँदा हार्डवेयर पसलको करोडौंको धनमाल जलेर नष्ट भएको बताइएको छ ।

प्रहरीका अनुसार हर्डवेयरको गोदाममा प्रज्वलनशील सामान तथा पाइप, प्लाष्टिक, प्लाइउड लगायत आगोले चाँडै टिप्ने सामान भएकाले आगलागी पूरै नियन्त्रण लिन समय लागेको हो । तीनवटा दमकलले तीन तिरबाट पानी छ्यापेपछि बल्ल नियन्त्रणमा आएको सिन्धुली प्रहरीका एसपी गोविन्द थपलियाले बताए । सेना, सशस्त्र र जनपद, नगर प्रहरी, स्थानीयले संयुक्त रुपमा आगोले नभेटेको सामान जोगाउन स्वयंसेवी भई काम गरेका थिए ।

ईम्यानुयल कन्ट्रक्सको ट्यांकरबाटसमेत पानी ओसारिएको थियो । हार्डवेयर, विद्युत, प्लाइ लगायतका सामान गोदाममा भण्डारण गरिएको थियो । हार्डवेयरसँगै रहेको कनिस्का ईन्टरप्राइजेजको गोदाममासमेत आगलागीबाट क्षति भएको छ ।

कनिस्काको हार्ड तथा सफ्ट मदिरा, चाउचाउ, विस्कुट, पेय पदार्थ, लगायतको गरी एक करोडभन्दा बढीको सामान आगलागीमा परी नष्ट भएको छ । आगलागी भएपछि मानिसको भीड बढेर अवरुद्ध भएको बीपी राजमार्गसमेत खुलेको छ । विद्युत सर्ट भएर आगलागी भएको बताइएको छ ।

सिन्धुलीमाडीमा आगलागी

प्रकाशित : मंसिर १४, २०७८ १५:२४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?