फरार अभियुक्त १२ वर्षपछि पक्राउ- वाग्मती - कान्तिपुर समाचार

फरार अभियुक्त १२ वर्षपछि पक्राउ

टीकाप्रसाद भट्ट

रामेछाप — रामेछापको राकाथुममा २०६६ असोज ९ गते भएको हत्याकाण्डका २ जना आरोपीलाई जिल्ला प्रहरी कार्यालय रामेछापले १२ वर्षपछि पक्राउ गरेको छ । 

छिमेकी जिल्ला काभ्रेपलाञ्चोक तिमाल गाउँपालिकाका २९ वर्षीय तीर्थमान दोङको हत्या आरोप लागेका साविक राकाथुम गाविस हाल खॉडादेवी १ बस्ने ५९ वर्षीय ज्ञानबहादुर तामाङ र उनका छोरा ३६ वर्षीय जयरामलाई प्रहरीले पक्राउ गरेको हो । जिल्ला प्रहरी कार्यालय रामेछापका प्रहरी नायव उपरीक्षक नवराज ढुंगानाका अनुसार ज्ञानबहादुरलाई शुक्रबार राकाथुमबाटै र जयरामलाई काभ्रेको धुलिखेलबाट शनिबार बिहान पक्राउ गरिएको हो । दुवैलाई हिरासतमा राखि अनुसन्धान गर्न आइतबार जिल्ला अदालतबाट म्याद थपको तयारी रहेको ढुंगानाले बताए ।

कामको सिलसिलामा राकाथुम आएका बेला पुरानो रिसीईबीका कारण ज्ञानबहादुर र जयरामले तीर्थमानलाई खुकुरी र तरबार प्रयोग गरी हत्या गरेको किटानी जाहेरी आफन्त पृथ्वीमान दोङले दिएका थिए । हत्याको किटानी जाहेरी प्रहरी कार्यालयमा दर्ता भएको थाहा भएलगत्तै दुवैजना फरार भएका थिए ।

प्रहरीले तलास गर्ने क्रममा ज्ञानबहादुर राकाथुममै रहेको जानकारी पाएपछि पक्राउ गर्न सफल भएको थियो ।

प्रकाशित : मंसिर ११, २०७८ २१:००
प्रतिक्रिया
पठाउनुहोस्

ओलीले आइतबार सहमतिको सूची सार्वजनिक गर्ने, असन्तुष्टलाई चुनाव लड्न दिइने

कान्तिपुर संवाददाता

काठमाडौँ — नेकपा एमालेको जारी १०औं महाधिवेशन अन्तर्गत शनिबारको बन्दसत्र विरोधका बीच टुंगिएको छ । आइतबार बिहान फेरि बन्दसत्र नियमित सञ्चालन हुने गरी शनिबारको बन्दसत्र अन्त्य भएको हो ।

शनिबार राति अबेरसम्म बसेको बन्दसत्रबाट केपी ओलीलाई सर्वसम्मत नेतृत्व चयनको अधिकार दिइएको छ । नेता विष्णु पौडेलको प्रस्तावमा अधिकांश प्रतिनिधिहरूले ताली बजाएर अनुमोदन गरेका थिए ।

उक्त प्रस्ताव अनुसार केपी ओलीलाई पदाधिकारी र केन्द्रीय सदस्यहरूको नामावली तयार पार्ने सम्पूर्ण अधिकार दिइएको छ । जसअनुसार अब आइतबार ओलीले नयाँ नेतृत्वको सहमतिको नामावली पेस गर्नेछन् । बन्दसत्रमा सहभागी प्रतिनिधिहरूका अनुसार नयाँ प्रस्तावलाई नै सर्वसम्मतीबाट अनुमोदन गराइनेछ ।

यद्यपि असन्तुष्ट नेताहरूलाई चुनावमा उठ्ने अधिकार भने दिइने बताइएको छ । उपाध्यक्ष भीम रावलले अध्यक्षमा उम्मेदवारी दिने बताइरहँदा उनलाई चित्त नबुझेमा चुनावमा उठ्न दिइने एक नेताले जानकारी दिए ।

प्रकाशित : मंसिर ११, २०७८ २०:५७
पूरा पढ्नुहोस्
प्रतिक्रिया
पठाउनुहोस्
×