बालिकालाई बलात्कार प्रयासको आरोपमा १८ वर्षीय युवक पक्राउ

रामेछापको उमाकुण्ड ७ भुजीको देउरालीबारीकी ५ वर्षीया बालिकालाई उनी सगैं रहेकी ८ वर्षीया दिदीबाट छुटाई ढुंग्गाको चेपमा लगेर करणीको प्रयास गर्ने सोही स्थानका १८ वर्षीय प्रकाश भन्ने पदमबहादुर नेवारलाई प्रहरीले भुजीकै बांसघारीमा लुकेको अवस्थामा ३ दिनपछि सोमबार पक्राउ गरेको हो ।

प्रहरीको प्रारम्भिक अनुसन्धान अनुसार बहिनीलाई करणीको प्रयास गर्न थालेपछि संगै रहेकी चिच्च्याएकी दिदीलाई पनि मार्ने धम्की दिई तानेर करणीको प्रयास गर्दै गर्दाको अवस्थमा अरुले देखेपछि नेवार भागेका थिए । प्रहरीले उनको खोजीको क्रममा भुजीकै लहरे टोलबाट सोमबार बेलुका पक्राउ गरेको हो ।

जिल्ला प्रहरी कार्यालय रामेछापका प्रहरी निरीक्षक श्रीशंकर श्रेष्ठका अनुसार पक्राउ परेका युवकलाई जवर्जस्ती करणी उद्योग अन्तर्गत मुद्दामा अनुसन्धान गर्न मंगलबार जिल्ला प्रहरी कार्यालयबाट ५ दिन थुनामा राख्न म्याद थप गरी अनुसन्धान अघि बढाइएको छ ।