दुर्घटनामा २ को मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

दुर्घटनामा २ को मृत्यु

प्रताप विष्ट

हेटौंडा — भीमफेदी कुलेखानीमा शनिबार बेलुका दुर्घटनामा परी दुई जनाको मृत्यु भएको छ । ८ जना घाइते भएका छन् । 

काठमाडौंबाट वीरगन्जतर्फ जाँदै ना १ ज ४५११ नम्बरको टाटासुमो ईन्द्रसरोवर गाउँपालिका-२ लामाबगरमा दुर्घटना भएको थियो ।

दुर्घटनामा काठमाडौं महानगरपालिका—१६ का ६२ वर्षीय विष्णुलाल श्रेष्ठ र पर्सा पोखरीया—७ का ४५ वर्षीय राम सहनीको घटनास्थलमै मृत्यु भएको जिल्ला प्रहरी कार्यालय हेटौंडाका प्रहरी निरिक्षक देवेन्द्र दासले बताए ।

घाइते चार जनाको उपचार स्टार अस्पताल काठमाडौं र अन्य ४ जनाको हेटौंडा अस्पतालमा भइरहेको छ ।

तीव्र गतिमा आएको सुमो मोड काट्ने क्रममा सडकबाट २ सय मिटर तल खसेको प्रहरीले जनाएको छ ।

प्रकाशित : आश्विन ३१, २०७८ ०७:५५
प्रतिक्रिया
पठाउनुहोस्

बेनी–बगरफाँट–बरंजा सडकको स्तरोन्‍नति सुरु

रासस

गलेश्वर — म्याग्दीको सदरमुकाम बेनी हुँदै हाँडेभिर–बगरफाँट–सुर्केमेला–बरंजा जोड्ने १० किलोमिटर कृषि सडकको स्तरोन्नतिको काम सुरुआत भएको छ । 

ट्र्याक खुलेको १५ वर्षपछि भौतिक पूर्वाधार मन्त्रालयअन्तर्गत पूर्वाधार विकास कार्यालयको ४८ लाख ५० हजार र स्थानीय जनसहभागिताबाट चार लाख ९५ हजार गरी कूल ५३ लाखको लागतमा स्तरोन्नतिको काम सुरु गरिएको हो । २०६३ मा यो सडकको ट्र्याक खुलेको थियो ।

त्यसैगरी हाँडेभिरदेखि बगरफाँटको बुद्ध एकेडेमीसम्म करिब दुई किलोमिटर क्षेत्रमा सडक कालोपत्र गर्नका लागि बाटो विस्तार र स्तरोन्नतिको काम पनि भइरहेको छ । जिसी निर्माण सेवाले निर्माणको जिम्मा लिएको सो सडकको स्तरोन्नति कार्य ढिला भएको भनी स्थानीयवासीले असन्तुष्टि जनाउँदै आएका थिए । सडक फराकिलो बनाउने, जमिनमा ढलान गर्ने र तीन ठाउँमा नयाँ ट्र्याक खोल्ने काम भएको उपभोक्ता समितिका अध्यक्ष पूर्णबहादुर गुरुङले बताए । उनका अनुसार सो सडक खण्डअन्तर्गत नयाँ पुलमा सय मिटर, बाहुनडाँडामा ६५० मी र थामडाँडामा सय मी नयाँ ट्र्याक खोलिएको छ ।

सडकको मापदण्डअनुसार नै निर्माण भएको यो सडक पश्चिम म्याग्दीको विकासका लागि कोशेढुंगा सावित हुने स्थानीबासीले बताएका छन् । यो सडक बेनी नगरपालिका–२ बगरफाँट हुँदै पश्चिम म्याग्दीको मालिका गाउँपालिका–४ ओखरबोटको सोलेडाँडा भएर बागलुङको तमान, लामेलासम्म विस्तार गर्ने लक्ष्य रहेको अध्यक्ष गुरुङले जानकारी दिए । सडकको स्तरोन्नति नहुँदा यस क्षेत्रका बासिन्दाले सास्ती खेप्दै आएका थिए ।

प्रकाशित : आश्विन ३१, २०७८ ०७:४६
पूरा पढ्नुहोस्
प्रतिक्रिया
पठाउनुहोस्
×