चरिकोट — पौडी खेल्ने क्रममा दोलखाको विगू गाउँपालिका—४ लादुकमा एक किशोर बेपत्ता भएका छन् । साथीहरुसँग पौडी खेल्न गएका विगू गाउँपालिका—४ लादुक नाङपालका १८ वर्षीय टिकाराम तामाङ बेपत्ता भएको प्रहरीले जनाएको छ ।
शान्ति आर्दश माध्यमिक विद्यालय नजिकै बुलुङसी पोखरीमा पौडी खेल्ने क्रममा उनी बेपत्ता भएको प्रहरीले जनाएको छ । बेपत्ता तामाङको प्रहरी र स्थानीयवासीले खोजी गरिरहेको इलाका प्रहरी कार्यालय सिंगटीले जनाएको छ ।