रामेछापमा कांग्रेस अधिवेशन : ५ पालिकामा निर्वाचन, ३ मा निर्विरोध
रामेछाप — रामेछापमा कांग्रेसको पालिकास्तरीय अधिवेशन आइतबार सम्पन्न भएको छ । मन्थलीमा सर्वसम्मत सभापति चयन गरिए पनि अन्य पालिकामा निर्वाचनबाट नयाँ समिति चयन भएको छ ।
निर्वाचन समितिका अनुसार १ नगर र २ गाउँपालिका गरी ३ वटा पालिकामा सभापति सर्वसम्मत भएका छन् भने १ नगर र ४ पालिकामा निर्वाचनबाट सभापति चुनिएका छन् । मन्थली नगरपालिकामा शंकरप्रसाद अधिकारी, खँडादेवी गाउँपालिकामा तेज घिसिङ र सुनापति गाउँपालिकामा जनक खड्का निर्विरोध चुनिएका छन् ।
दोरम्बा गाउँपालिकामा निर्वाचनमार्फत केशवकुमार लामा, उमाकुण्डमा हिक्मत सुनुवार, गोकुलगंगामा मणि लामा, लिखु तामाकोसीमा सुन्दर खड्का र रामेछाप नगरपालिकामा कमलविक्रम कार्की निर्वाचित भएका छन् । उक्त पालिकामा पदाधिकारीमा समेत निर्वाचन भएको थियो ।
प्रकाशित : आश्विन १०, २०७८ २१:२५प्रतिक्रिया