२६.१२°C काठमाडौं
अपहरण गरेको आरोपमा चारजना पक्राउ
मकवानपुर — मकवानपुर प्रहरीले आइतबार अपहरण गरेको आरोपमा चारजनालाई पक्राउ गरेको छ । हेटौंडा– ११ थानाभर्याङ ४० वर्षीय जितेन्द्र विश्वकर्मालाई अपहरण गरेको आरोपमा उनीहरुलाई प्रहरीले पक्राउ गरिएको हो ।
जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक जयश्वर रिमालका अनुसार पक्राउ पर्नेहरूमा हेटौंडा–१० बस्ने ३९ वर्षीय विनोदलाल श्रेष्ठ, ३० वर्षीय अनिल लामा, हेटौंडा–५ बस्ने ३२ वर्षीय बुद्ध लामा र हेटौंडा– २ बस्ने २७ वर्षीय आदेश लामा छन् । उनीहरूलाई प्रहरीले हेटौंडा–५ स्थित मकवानपुर रिकभरिङ समूहको हाताभित्रबाट पक्राउ गरेको हो ।
विश्वकर्मा हेटौंडा–१०, वासुदेवमार्गमा सुनचााँदी पसल सञ्चालक गर्छन् ।
प्रहरीले पक्राउ परेकाहरुको थप अनुसन्धानका गर्न जिल्ला अदालतबाट १५ दिनको म्याद समेत थप गरिसकेको छ । ‘पक्राउ परेकाहरु लागूऔषध दुर्व्यसनीविरुद्ध काम गरिरहेका युवाहरु हुन् । प्रहरी, परिवार र आफ्न्त कसैलाई पनि जानकारी नगरी उहाँलाई गुण्डागर्दी शैलीमा उठाइएको छ । घटनाको विषयमा थप अनुसन्धान भइरहेको छ, ’ डीएसपी रिमालले भने ।
प्रकाशित : आश्विन १०, २०७८ १९:५४
