सिन्धुलीमा भरुवा बन्दुकसहित पाँचजना पक्राउ- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

सिन्धुलीमा भरुवा बन्दुकसहित पाँचजना पक्राउ

राजकुमार कार्की

सिन्धुली — अवैध रुपमा भरुवा बन्दुक लुकाएको राखेको आरोपमा प्रहरीले पाँचजनालाई पक्राउ गरेको छ । मंगलबार सिन्धुलीको दुधौली नगरपालिका-२ को जलकिनी र तिनचम्केबाट चारथान भरुवा बन्दुकसहित ५० वर्षीय नुरबहादुर बस्नेत, ५५ वर्षीय शिवबहादुर कार्की, ४३ वर्षीय चुणाबहादुर राउत र ७२ वर्षीय जितबहादुर बरइमगर र ४० वर्षीय भुवनबहादुर रानामगरलाई पक्राउ गरिएको प्रहरी नायब उपरिक्षक मनोजकुमार लामाले जानकारी दिए ।

घर तथा गोठमा लुकाइछिपाइ राखेको अवस्थामा इलाका प्रहरी कार्यालय डकाहा र हत्पते प्रहरी चौकीका प्रहरीहरुको गस्ती टोलीले बन्दुक बराम गरेका हुन् । बरामद भएका चारवटा मध्ये तीनवटा लोड भएको डीएसपी लामाले बताए ।

पक्राउ परेका पाँचैजनालाई आवश्यक कारबाहीका लागि अनुसन्धान भइरहेको प्रहरीले जनाएको छ ।

यसैबीच, प्रहरीले गाली बेइज्जती मुद्दामा जिल्ला अदालतको फैसला अनुसार २५० रुपैयाँ नबुझाइ चारवर्ष अघिदेखि फरार रहेकी एक महिलालाई मंगलबार पक्राउ गरी जरिवाना सजाय भराएको छ । गोलन्जोर गाउँपालिका ५ हिर्दिङकी ४७ वर्षीय कृष्णकुमारी बस्नेतलाई गाली बेइज्जती मुद्दामा सिन्धुली अदालतबाट २०७४ सालको कात्तिक ३० गते २५० रुपैंयाँ जरिवाना सजाएको फैसला भएको थियो । बस्नेतलाइ घरबाटै पक्राउ गरी अदालत समक्ष पेस गरेर फैसला अनुसारको जरिवाना भराएको डीएसपी लामाले जानकारी दिए ।

गाली बेइज्जतीकै अर्को मुद्दा फैसला अनुसार दुई हजार नबुझाइ १२ वर्षदेखि फरार रहेकी कमलामाई नगरपालिका ४ आहालेकी ६१ वर्षीय चमेली तोलङ्गेलाई मंगलबारै पक्राउ गरी जरिवाना सजाय भएको रकम भराइएको छ । ०६६ पुष ३० गते तोलङ्गेलाई जिल्ला अदालतबाट दुई हजार रुपैयाँ जरिवाना सजाय फैसला भएको थियो ।


प्रकाशित : आश्विन ५, २०७८ १८:१४
प्रतिक्रिया
पठाउनुहोस्

ओली सरकारले नियुक्त गरेका राजदूत फिर्ता बोलाउने सरकारको निर्णय

कान्तिपुर संवाददाता

काठमाडौँ — सरकारले केपी ओलीको पालामा भएका राजदूत नियुक्ति फिर्ता गर्ने निर्णय गरेको छ । मंगलबार बसेको मन्त्रिपरिषद् बैठकले राजनीतिक तवरबाट नियुक्त भएका राजदूतहरुलाई फिर्ता बोलाउने निर्णय भएको कानुन,न्याय तथा संसदीय मामिला मन्त्री ज्ञानेन्द्रबहादुर कार्कीले जानकारी दिए ।

'राजनीति तवरबाट नियुक्ति भएका सबै राजदूताहरूलाई फिर्ता बोलाउने निर्णय भएको छ,' मन्त्री कार्कीले भने ।

सरकारको निर्णयसँगै अमेरिकाका लागि नेपाली राजदूत युवराज खतिवडालगायत अन्य देशहरूमा नियुक्त भएका राजदूतहरू फिर्ता हुनेछन् ।

संयुक्त राष्ट्र संघको स्थायी प्रतिनिधि बाहेक ३० देशमा आवासीय राजदूत रहेका छन् । तीमध्ये बहराइनकी शर्मिला पराजुली ढकाल, कतारका नारद भारद्वाज, भारतका नीलाम्वर आचार्य, चीनका महेन्द्रबहादुर पाण्डे, दक्षिण अफ्रिकाका निर्मल विश्वकर्मा, जापानकी प्रतिभा राणा, बंगलादेशका डा वंशीधर मिश्र, मलेशियाका उदयराज पाण्डे, स्पेनकी दावा फुटी शेर्पा, अमेरिकाका युवराज खतिवडा, इजरायलकी अञ्जान शाक्य, बेलायतका लोकदर्शन रेग्मी परराष्ट्र सेवाबाट बाहिरबाट राजदूत नियुक्त भएका हुन् । उनीहरुमध्ये राप्रपाकी केन्द्रीय सदस्य हुँदा जापानका लागि राजदूत भएकी प्रतिभा राणा प्रधानमन्त्री शेरबहादुर देउवाकी सासु हुन् । हाल अस्ट्रेलिया, बहराइन, डेनमार्क, इजिप्ट, म्यान्मार, रुस, साउदी अरब र श्रीलंकामा राजदूत खाली रहेको छ ।

प्रकाशित : आश्विन ५, २०७८ १८:००
पूरा पढ्नुहोस्
प्रतिक्रिया
पठाउनुहोस्
×