वृद्धको हत्या आरोपमा दुई जना पक्राउ
सिन्धुली — मागेर गुजारा गर्दै आएका कमलामाई नगरपालिका–२ का ८३ वर्षीय वृद्ध लालबहादुर लामाको हत्या आरोपमा प्रहरीले दुई जनालाई पक्राउ गरेको छ ।
सदरमुकामको लोकतान्त्रिक चोक नजिक प्रतिक्षालयमा लामा बुधबार मृत अवस्थामा फेला परेका थिए ।
मृतकका भाइ रामबहादुर लामाको जाहेरीका आधारमा उनको हत्या गरेको आरोपमा भारतको उत्तरप्रदेश घर भएका मागी खाइ हिँड्ने ३५ वर्षीय अशोककुमार जैसवाल र कृष्णलाई बिहीबार पक्राउ गरिएको सिन्धुली प्रहरीका डिएसपी मनोजकुमार लामाले जानकारी दिए ।
मृतक लामाको टाउकोमा चोट रहेको प्रहरीले जनाएको छ ।
प्रकाशित : भाद्र ३१, २०७८ १४:१२प्रतिक्रिया