बिरामी लिन गएको जिप दुर्घटना हुँदा एकको मृत्यु, चालक घाइते- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बिरामी लिन गएको जिप दुर्घटना हुँदा एकको मृत्यु, चालक घाइते

कृष्ण थापा

नुवाकोट — उपचारका लागि बिरामी लिन जाँदै गरेको जिप दुर्घटना हुँदा एक जनाको मृत्यु भएको छ । दुप्चेश्वर गाउँपालिका–३ झगडे मस्यरी सडक खण्डमा जिप दुर्घटना हुँदा एक जनाको घटनास्थलमै मृत्यु भएको हो । दुर्घटनामा जिप चालक घाइते भएका छन् ।

मृत्यु हुनेमा वडा–३ रावतबेसीस्थित पुरानो गाउँका स्थानीय मानबहादुर तामाङ रहेको गाउँपालिकाका अध्यक्ष योविन्द्रसिं तामाङले बताए । प्रदेश ३०१०२२ च ५०७१ नम्बरको जिप सडकबाट तल झरेर दुर्घटना परेको उनले जानकारी दिए । जिप गाउँखर्कमा बिरामी लिन जाँदै गरेको थियो ।

प्रकाशित : भाद्र २४, २०७८ १४:३९
प्रतिक्रिया
पठाउनुहोस्

नुवाकोटमा दुई वडाध्यक्षसहित १० जनाले रोजे नेकपा (एस)

कृष्ण थापा

नुवाकोट — जिल्लामा एमाले परित्याग गरी नेकपा (एकीकृत समाजवादी) को पक्षमा सनाखत गर्ने जनप्रतिनिधि १० जना रहेको जिल्ला निर्वाचन कार्यालय नुवाकोटले जनाएको छ । ती जनप्रतिनिधिहरु शिवपुरी, लिखु र ककनी गाउँपालिकाका छन् । त्यसमध्ये शिवपुरी ५ र ८ का वडाध्यक्ष छन् ।

निर्वाचन कार्यालयका अनुसार शिवपुरीका महिला र दलित सदस्यले नेकपा (एस) रोजेका छन् । ककनी गाउँपालिका १ का वडा सदस्य र लिखु गाउँपालिका ३ का महिला सदस्य छन् । ककनी गाउँपालिका ४ र ५ वडाका दलित महिला सदस्यले सनाखत गरे पनि पुन: निवेदन फिर्ता लिन तयारी रहेको बताइएको छ । उनीहरुको पुनः एमालेमा फर्किन चाहेकाले उनीहरुको निवेदन खामबन्दी गरेर निर्वाचन आयोग पठाइएको जिल्ला निर्वाचन कार्यालय नुवाकोटले जनाएको छ ।

एमाले विभाजनपछि निर्वाचन आयोगले दल रोज्न मंगलबारसम्म समयसीमा तोकेको थियो । नुवाकोटमा १२ वटा स्थानीय तह छन् । दुई नगरपालिकासहित अधिकांश वडाहरु, तारकेश्वर गाउँपालिका अध्यक्ष र उपाध्यक्ष, लिखु गाउँपालिकामा उपाध्यक्ष एमालेको वर्चश्व छ ।

प्रकाशित : भाद्र २३, २०७८ १५:४५
पूरा पढ्नुहोस्
प्रतिक्रिया
पठाउनुहोस्
×