चार दिनपछि मध्येपहाडी लोकमार्गमा यातायात सञ्चालन- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

चार दिनपछि मध्येपहाडी लोकमार्गमा यातायात सञ्चालन

राजकुमार कार्की

सिन्धुली — पहिरोले चारदिन अघिदेखि अवरुद्ध मध्यपहाडी लोकमार्ग आइतबार दिउँसोबाट एकतर्फी खुलेको छ । अक्करे भीरमा खसेको पहिरो पन्छाउन नसक्दा बिहीबारदेखि मध्येपहाडी पुष्पलाल लोकमार्ग अवरुद्ध थियो ।

गोलन्जोर गाउँपालिका–६ हैबार नजिक अक्करे भीरमा खसेको पहिरो पन्छाएर यातायात सुचारु गर्न खुर्कोट र हैवारतर्फबाट डोजर, स्काभेटर प्रयोग गरिएको थियो । प्रहरीका अनुसार मुस्किलले एकतर्फी यातायात संचालनमा आएको छ, पहिरो झर्ने क्रम भने रोकिएको छैन् ।

पहिरो झर्ने क्रम नरोकिएकाले जुनसुकै बेला यातायात अवरुद्ध हुनसक्ने यातायात प्रनाउ मनोजकुमार लामाले बताए । अक्करे भीरमा करिब तीनसय मिटर क्षेत्रमा पहिरो खसेको छ । पहिरो पन्छाएर शनिबार साँझ खुल्नै लाग्दा पु:न पहिरो खसेर सडक अवरुद्ध भएको थियो ।

मध्यपहाडीको खुर्कोट–घुर्मी खण्डमा सडक अवरुद्ध हुँदा पूर्वीपहाडी जिल्लाहरु उदयपुर, खोटाङ, ओखलढुंगा, सोलुखुम्बुबाट संघीय राजधानी काठमाडौं आवतजावत गर्ने यातायातका साधनहरु बीचबाटोमा नै अलपत्र परेका थिए । चारदिन पछि यात्रुहरुले राहतको सास फेरेको हैवारका स्थानीय सुमन कोइरालाले बताए ।

प्रकाशित : भाद्र १३, २०७८ २१:५८
प्रतिक्रिया
पठाउनुहोस्

सिन्धुलीमा जिप दुर्घटना हुँदा दुई जना घाइते

राजकुमार कार्की

सिन्धुली — सिन्धुलीमा जिप दुर्घटना हुँदा दुई जना घाइते भएका छन् । घ्याङलेख गाउँपालिकामा विद्युत् सुचारु गर्न प्राविधिक लिएर जाँदै गरेको सिन्धुली विद्युत् प्राधिकरणको जिप आइतबार बीपी राजमार्ग अन्तर्गत कमलामाई नगरपालिका–२ को पिपलभन्ज्याङ नजिक दुर्घटना हुँदा चालकसहित प्राविधिक गम्भीर घाइते भएका छन् ।

प्रहरीका अनुसार प्रदेश नम्बर ३ ० ०० १ ञ २५५५ नम्बरको जिप दुर्घटनामा परेर चालक प्रमेश्वर सुनुवार र प्राधिकरणका कर्मचारी राजिव लामा गम्भीर घाइते भएका हुन् ।

घाइते दुवैलाई सिन्धुली अस्पतालमा प्राथमिक उपचारपछि काठमाडौं लगिएको जिल्ला प्रहरी कार्यालयका डिएसपी मनोजकुमार लामाले जानकारी दिए ।

दुर्घटनाको कारण खुल्न सकेको छैन । दुर्घटना भएको जिप राजमार्गबाट करिब एकसय ५० मिटर तल खसेको छ । पहिरोले पोल ढलेपछि घ्याङलेखमा विद्युत् सेवा अवरुद्ध छ ।

प्रकाशित : भाद्र १३, २०७८ १६:४३
पूरा पढ्नुहोस्
प्रतिक्रिया
पठाउनुहोस्
×