पहिरोले रामेछापको सामुदायिक आँखा केन्द्र पुरियो
रामेछाप — अविरल वर्षापछिको पहिरोले तिलगंगा आँखा केन्द्र मार्फत रामेछापको मन्थलीमा सञ्चालित जिल्ला सामुदायिक आँखा केन्द्रमा क्षति पुगेको छ ।
पहिरोले भवन थिचेपछि आइतबार आँखा परीक्षण तथा उपचार सेवा प्रभावित भएको छ । केन्द्रका सबै सामाग्री सुरक्षित स्थानमा सारिएको केन्द्रका अध्यक्ष गोविन्दप्रसाद घिमिरेले बताए ।
घिमिरेका अनुसार पहिरोले केन्द्र सञ्चालनमा रहेको भवन र शौचालयमा जान सक्ने अवस्था छैन । पहिरो झर्ने क्रम जारी रहेकोले थप क्षति हुने त्रास रहेको घिमिरेले बताए । घिमिरेका अनुसार करिब ५० लाख बराबरको भवन काम नलाग्ने अवस्थामा पुगेको छ ।
तिलगंगा आँखा केन्द्रले तामाकोसी अस्पतालको सहकार्यमा उक्त सामुदायिक केन्द्र सञ्चालनमा ल्याएको हो ।
प्रकाशित : भाद्र १३, २०७८ १३:३४