पहिरोले त्रिभुवन राजपथ ठप्प
धादिङ — अविरल वर्षातका कारण त्रिभुवन राजपथस्थित नौबिसे चिसापानीमा पहिरो गएपछि राजमार्ग ठप्प भएको छ । बिहान सवा ८ बजे पहिरो गएपछि सवारी साधनहरु राजमार्गमै रोकिएका छन् ।
बिहीबारदेखि नवलपरासी र मुग्लिन रोकिएर सास्ती खेपेका हजारौं यात्रुहरुलाई आइतबार बिहान राजधानी पुग्ने समयमा उक्त पहिरोले फेरि रोकिदिएको छ ।
सवारी चापले उपकरण ल्याएर पहिरो हटाउन समस्या भइरहेको छ । खानीखोलास्थित प्रहरी निरीक्षक दुर्गा थापाले नागढुंगा र खानीखोलामा रहेका उपकरणहरु पहिरो हटाउनका लागि आउँदै गरेको जानकारी दिइन् ।
सडकले धान्ने मापदण्ड विपरीत भार बोकेका अत्यधिक ढुवानी साधनहरु गुड्न थालेपछि राजमार्ग कमजोर हुँदै गएको प्रहरी निरिक्षक थापाले बताइन् ।
प्रकाशित : भाद्र १३, २०७८ ०९:४१प्रतिक्रिया
