बसाइँ सरी आउनेलाई अनुदान

‘अनुदानकै रकमले ५ सयवटा हाँस पालेको छु,’ उनले भने । अन्यत्रबाट बसाइँसराइ गरेर आउनेलाई अनुदान दिने गत आवको योजनाले सफलता पाएको गाउँपालिकाको दाबी छ । गत वर्ष १४ परिवार भित्रिएका थिए ।

यसरी बसाइँ आउनेलाई कृषि र पशुपन्छी पालन गर्न प्रोत्साहनस्वरूप प्रतिपरिवार ५० हजार रुपैयाँ अनुदान दिने गरिएको गाउँपालिका अध्यक्ष विदुर हुमागाईंले बताए । अन्य पालिकावासीलाई आफ्नो पालिकामा आकर्षण गर्न यस्तो नीति अघि सारिएको उनको भनाइ छ । चालु आवमा पनि उक्त व्यवस्थालाई निरन्तरता दिइएको छ । गत आवमा यो शीर्षकमा ७ लाख रुपैयाँ बजेट छुट्याइएकामा यो वर्ष बढाएर १४ लाख रुपैयाँ पुर्‍याइएको छ । यो योजनासँगै गाउँपालिकाबाट अन्यत्र बसाइँ जाने क्रम पनि रोकिएको उनले दाबी गरे ।