मकवानपुरमा एकैदिन ४ सय ३२ जनामा कोरोना संक्रमण- वाग्मती - कान्तिपुर समाचार

मकवानपुरमा एकैदिन ४ सय ३२ जनामा कोरोना संक्रमण

सुवास विडारी

मकवानपुर — मकवानपुरमा एकैदिन ४ सय ३२ जनामा कोरोना संक्रमण भएको छ । जिल्ला स्वास्थ्य कार्यालय मकवानपुरका अनुसार पछिल्लो २४ घण्टामा १ सय ३० जनाको पीसीआर र १ हजार १५ जनाको एन्टीजेन परीक्षण गर्दा उनीहरुमा कोरोना संक्रमण पुष्टि भएको हो ।

संक्रमण पुष्टि भएकामा सबैभन्दा बढी भीमफेदी गाउँपालिकाभित्रका छन् । भीमफेदीस्थित क्षेत्रीय कारागारभित्रका ३ सय ५५ जना कैदीबन्दीसहित ३ सय ६२ जनामा कोरोना पुष्टि भएको हो ।

हेटौंडा उपमहानगरपालिकाभित्र बसोबास गर्दै आएका ५७ जना, मनहरी गाउँपालिका ६ जना, मकवानपुरगढीका ३ जना, बकैया गाउँपालिकाका २ जना, थाहा नगरपालिका र राक्सिराङ गाउँपालिकाको १/१ जनामा संक्रमण पुष्टि भएको हो । हाल जिल्लामा ९ सय ८० जना सक्रिय संक्रमित रहेको स्वास्थ्य कार्यलय मकवानपुरका प्रमुख प्रणय उपाध्यायले जानकारी दिए । मकवानपुरमा पछिल्लो २४ घण्टामा ६३ जना संक्रमित संक्रमण मुक्त भएका छन् ।


प्रकाशित : श्रावण १५, २०७८ १७:४२
प्रतिक्रिया
पठाउनुहोस्

भीमफेदी कारागारका ३५५ कैदीबन्दीलाई कोरोना संक्रमण

सुवास विडारी

मकवानपुर — मकवानपुरको भीमफेदी गाउँपालिकास्थित भीमफेदी कारागारका ३ सय ५५ जना कैदीबन्दीमा कोरोना पुष्टि भएको छ ।

फाइल तस्बिर

कारागारमा रहेका ब्लक ‘क’ र ‘ख’ मा ९ सय ७० जना कैदीबन्दीहरुमा गरिएको एन्टिजेन परीक्षणमा ३ सय ५५ जनामा कोरोना पुष्टि भएको हो । जिल्ला स्वास्थ्य कार्यालय मकवानपुरका प्रमुख प्रणयकुमार उपाध्यायका अनुसार बुधबार र बिहीबार गरिएको परीक्षणमा ३ सय ५५ जना कैदीबन्दीमा कोरोना पुष्टि भएको हो ।

कैदीबन्दीहरुलाई भीमफेदीबाट अर्को कारागारमा पठाउने क्रममा ११ जना कैदीबन्दीमा कोरोना पुष्टि भएको थियो । उक्त जानकारी आएसँगै भीमफेदी कारागारमा रहेका सबै कैदीबन्दीमा कोरोना परीक्षण गरिएको हो । उपाध्यायका अनुसार कोराना पुष्टि भएका संक्रमितहरुमा कुनै पनि किसिमको लक्षण देखिएको छैन ।

पुष्टि भएको संक्रमितहरुलाई कारागारभित्रै निगरानीमा राखिने प्रमुख जिल्ला अधिकारी भरतमणि पाण्डेले जानकारी दिए । ‘संक्रमितहरुलाई छुट्टै ब्लकमास्वास्थ्यकर्मीको निगरानीमा राखिएको छ,’ पाण्डेले भने । कैदीबन्दीमा कुनै स्वास्थ्य समस्या नदेखिएको पनि उनले बताए । जिल्लामा पछिल्लो दिनहरुमा कोरोना पुष्टि हुनेको संख्या बढेको छ ।

प्रकाशित : श्रावण १५, २०७८ ०७:५५
पूरा पढ्नुहोस्
प्रतिक्रिया
पठाउनुहोस्
×