बनेपामा राष्ट्रपति र प्रधानमन्त्रीको पुत्ला जलाइयो- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बनेपामा राष्ट्रपति र प्रधानमन्त्रीको पुत्ला जलाइयो

नगेन्द्र अधिकारी

काभ्रे — नेकपा (माओवादी केन्द्र) निकट अनेरास्वियु (क्रान्तिकारी) र नेकपा (एमाले)को माधवकुमार नेपाल निकट अनेरास्वियुले बनेपामा राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुत्ला जलाएका छन् । 

प्रतिगमनविरुद्ध भन्दै दुवै अनेरास्वियुका नेता कार्यकर्ताले संयुक्त रुपमा मंगलबार मसाल जुलुससहित प्रदर्शन गर्दै पुत्ला दहन गरेका हुन् । नाराबाजीसहित चारदोबाटो आएका नेता तथा कार्यकर्ताले कोणसभा गर्न खोज्दा प्रहरीले हस्तक्षेप गरेको थियो ।

प्रतिनिधिसभा विघटन गर्ने प्रधानमन्त्री ओलीको कदमविरुद्ध एमालेकै एउटा समूह र विपक्षी दलहरु आन्दोलनमा छन् ।

प्रकाशित : असार २२, २०७८ १६:४७
प्रतिक्रिया
पठाउनुहोस्

बीपी राजमार्ग एकतर्फी खुल्यो

नगेन्द्र अधिकारी

काभ्रे — निरन्तरको वर्षापछि खोलाको सतह बढ्दा अवरुद्ध बीपी राजमार्गको माम्ती खण्ड १५ घण्टापछि एकतर्फी सञ्चालनमा आएको छ ।

रोशी–१२ माम्ती खोला माथिको ग्रामिण सडक बगेर थुप्रिएको लेदोको कारण राजमार्ग हुँदै पूर्वका जिल्लातर्फ लागेका र काठमाडौं आउँदै गरेका एक हजारभन्दा बढी सवारीसधान राजमार्ग नै अड्किएका थिए । शुक्रबार राति १२ बजेदेखि लेदो झरेर अवरुद्ध राजमार्ग शनिबार दिउँसो पौने ३ बजेबाट एकतर्फी सञ्चालनमा आएको हो ।

वर्षा रोकिएको र लेदो पन्छाइएकोले सडक एकतर्फी सञ्चालनमा आएको रोशी गाउँपालिका अध्यक्ष दलबहादुर (डिबी) लामाले जानकारी दिए । बिहानबाटै अवरोध हटाउन सुरु गरिए पनि निरन्तरको वर्षाका कारण कठिनाइ हुँदै आएको थियो । नमोबुद्ध–५ लास्कोटमा रहेको क्रसर उद्योगबाट आएको लेदोले राजमार्गमा अवरोध गरे पनि खुलाइएको छ ।

प्रकाशित : असार १९, २०७८ १६:०८
पूरा पढ्नुहोस्
प्रतिक्रिया
पठाउनुहोस्
×