बीपी राजमार्ग एकतर्फी खुल्यो- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बीपी राजमार्ग एकतर्फी खुल्यो

नगेन्द्र अधिकारी

काभ्रे — निरन्तरको वर्षापछि खोलाको सतह बढ्दा अवरुद्ध बीपी राजमार्गको माम्ती खण्ड १५ घण्टापछि एकतर्फी सञ्चालनमा आएको छ ।

रोशी–१२ माम्ती खोला माथिको ग्रामिण सडक बगेर थुप्रिएको लेदोको कारण राजमार्ग हुँदै पूर्वका जिल्लातर्फ लागेका र काठमाडौं आउँदै गरेका एक हजारभन्दा बढी सवारीसधान राजमार्ग नै अड्किएका थिए । शुक्रबार राति १२ बजेदेखि लेदो झरेर अवरुद्ध राजमार्ग शनिबार दिउँसो पौने ३ बजेबाट एकतर्फी सञ्चालनमा आएको हो ।

वर्षा रोकिएको र लेदो पन्छाइएकोले सडक एकतर्फी सञ्चालनमा आएको रोशी गाउँपालिका अध्यक्ष दलबहादुर (डिबी) लामाले जानकारी दिए । बिहानबाटै अवरोध हटाउन सुरु गरिए पनि निरन्तरको वर्षाका कारण कठिनाइ हुँदै आएको थियो । नमोबुद्ध–५ लास्कोटमा रहेको क्रसर उद्योगबाट आएको लेदोले राजमार्गमा अवरोध गरे पनि खुलाइएको छ ।

प्रकाशित : असार १९, २०७८ १६:०८
प्रतिक्रिया
पठाउनुहोस्

सडकमा लेदो बग्दा बीपी राजमार्ग अवरुद्ध

नगेन्द्र अधिकारी

काभ्रे — निरन्तरको वर्षापछि खोलाको सतह बढ्दा बीपी राजमार्गको माम्तीखण्ड अवरुद्ध भएको छ । राजमार्ग हुँदै पूर्वतर्फ लागेका र काठमाडौं आउँदै गरेका सवारीसधान राजमार्गमा नै अड्किएका छन् ।  

तस्बिर सौजन्य : डीबी लामा

वर्षापछि रोशी–१२, माम्ती खोला नजिक बगेको लेदोमा ३ सवारी साधन फसेको जिल्ला प्रहरी कार्यालय काभ्रेका प्रवक्ता रहेका डीएसपी हरि खतिवडाले जानकारी दिए । ती सवारीसाधनमा रहेका यात्रु भने सुरक्षित रहेको प्रहरीले जनाएको छ ।

रोशी गाउँपालिका अध्यक्ष दलबहादुर (डीबी) लामाले अवरोध हटाउन सुरु गरिए पनि निरन्तरको वर्षा र खोलाको सतह बढेको कारण तत्काल सम्भव नभएको उनले बताए । नमोबुद्ध–५, लास्कोटमा रहेको क्रसर उद्योगबाट आएको लेदोले पनि राजमार्गमा अवरोध गरे पनि खुलाइएको छ ।

त्यस्तै धुलिखेल–११, फस्कोटमा घर पछाडिको पर्खाल खसेर ३ घर जोखिममा परेपछि धुलिखेलस्थित कालिजंग गणका सेना र प्रहरीको टोलीले सुरक्षित स्थानमा सारेको डीएसपी खतिवडाले जानकारी दिए ।

प्रकाशित : असार १९, २०७८ १०:१०
पूरा पढ्नुहोस्
प्रतिक्रिया
पठाउनुहोस्
×