२८.१२°C काठमाडौं
सुनकोसी किनारमा तीन शव फेला
सिन्धुली — सुनकोसी नदी किनारमा बाढीले बगाएर ल्याएका तीनवटा शव फेला परेका छन् । सिन्धुलीको सुनकोसी गाउँपालिका–५ मूलकोटमा एक, वडा नं ६ को कानढुंग्रीमा एक र फिक्कल गाउँपालिका–६ को रत्नावतीनजिकको दोभानमा एक शव भेटिएका हुन् ।
ती शव सिन्धुपाल्चोकको मेलम्ची र इन्द्रावती बाढीले बगाएर ल्याएकाहरूको हुन सक्ने स्थानीयलाई उद्धृत गर्दै सिन्धुली प्रहरीका डीएसपी मनोजकुमार लामाले बताए । सुनकोसी नदीआसपासका बासिन्दालाई किनारमा गई माछा मार्ने र दाउरा संकलनका काम नगर्न आग्रह गरिएको उनले जानकारी दिए ।
प्रतिक्रिया
