कोरोनाबाट नुवाकोटमा थप ३ जनाको मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

कोरोनाबाट नुवाकोटमा थप ३ जनाको मृत्यु

कृष्ण थापा

नुवाकोट — कोरोनाबाट आइतबार ३ जनाको मृत्यु भएको छ । पछिल्लो २४ घण्टामा दुई महिला र एक पुरुष गरी जिल्लामा मृत्यु हुने संख्या ३ पुगेको हो । योसँगै जिल्लामा कोरोनाबाट मृत्यु हुनेको संख्या २९ जना पुगेको छ ।

दुप्चेश्वरगाउँपालिका–२ की ३६ वर्षीया एक महिलाको होम आइसोलेसनमा मृत्यु भएको छ । त्यसैगरी विदुरनगरपालिका–४ की ३२ वर्षीया महिला र ककनी गाउँपालिका–४ का ६० वर्षीय पुरुषको त्रिशूली अस्पतालमा उपचारका क्रममा मृत्यु भएको जिल्ला स्वास्थ्य कार्यालय नुवाकोटले जनाएको छ ।

नुवाकोटमा अहिले ९ सय ४० जना सक्रिय संक्रमित छन् ।

प्रकाशित : जेष्ठ २३, २०७८ १६:०८
प्रतिक्रिया
पठाउनुहोस्

नुवाकोटमा कोरोनाबाट मृत्यु हुनेको संख्या २१ पुग्यो 

कृष्ण थापा

नुवाकोट — कोरोना भाइरस संक्रमणबाट मृत्यु हुनेको संख्या २१ पुगेको छ । 

मंगलबार नुवाकोट र धादिङका गरी दुई जनाको मृत्यु भएसँगै जिल्लामा कोरोना कारण मृत्यु हुनेको संख्या २१ पुगेको जिल्ला स्वास्थ्य कार्यालयले जनाएको छ ।

जिल्ला अस्पताल त्रिशूलीका अनुसार मंगलबार म्यागङ गाउँपालिका ५ का ५० वर्षीय पुरुषको मंगलबार बिहान मृत्यु भएको छ । त्यसैगरी धादिङ निलकण्ठ नगरपालिका ३ का ७२ वर्षीय एक पुरुषको बिहान ११ बजे मृत्यु भएको त्रिशूली अस्पतालका प्रशासन अधिकृत देवराज पोखरेलले विज्ञप्तिमार्फत जनाएका छन् ।

जिल्लामा १ हजार ७९ जना सक्रिय संक्रमित भएका छन् भने निको हुनेमा १ हजार ८ सय १० जना रहेका छन् । अस्पतालमा ६३, आइसोलेसन सेन्टरमा ४२ र होम आइसोलेसनमा ९ सय ७४ जना संक्रमित छन् ।

जिल्लामा हालसम्म १३ हजार ४ सय १४ जनाको पिसिआर परीक्षण भएको जिल्ला स्वास्थ्य कार्यालयले जनाएको छ ।

प्रकाशित : जेष्ठ ११, २०७८ १५:४७
पूरा पढ्नुहोस्
प्रतिक्रिया
पठाउनुहोस्
×