रामेछापमा एक साता थपियो निषेधज्ञा- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

रामेछापमा एक साता थपियो निषेधज्ञा

टीकाप्रसाद भट्ट

रामेछाप — जिल्ला प्रशासन कार्यालयले रामेछाप नगरपालिका समेत समावेश गरी निषेधज्ञाको अवधि एक साता थपेको छ ।

प्रमुख जिल्ला अधिकारी गौलोचन सैंजूले सोमबारदेखि थप हुने निषेधज्ञा जेठ ३ गते मध्य रातिसम्म कायम रहने उल्लेख गरेका छन् । यसअघिको निषेधज्ञा सोमबार सकिँदै थियो ।

स्थानीय प्रशासनले यसअघि मन्थली नगरपालिकाको केही क्षेत्र र गोकुलगंगा गाउँपालिकाको ३ वटा वडामा मात्र निषेधज्ञा आदेश जारी गरेको थियो । रामेछाप नगरपालिकामा समेत कोरोना संक्रमण बढेपछि उक्त नगरपालिकाका प्रमुख वजारमा समेत निषेधज्ञा लगाउनु परेको सैंजूले बताए । निषेधज्ञा अवधिमा अतिआवश्यक बाहेकका अन्य सबै सेवा व्यवसाय ठप्प हुँदै आएका छन् ।

यसैबीच अक्सिजन सिलिन्डरको अभाव हुन नदिन प्रहरीले जिल्लाका केही बजार क्षेत्रमा रहेका निजी उद्योगबाट पछि फिर्ता हुने गरी १५ थान अक्सिजन सिलिण्डर लिएर जिल्ला अस्पताललाई बुझाउने भएको छ ।

प्रकाशित : वैशाख २६, २०७८ १८:२८
प्रतिक्रिया
पठाउनुहोस्

काभ्रेमा निषेधाज्ञाको अवधि एक साता थप 

नगेन्द्र अधिकारी

काभ्रे — जिल्लामा लगाइएको निषेधाज्ञाको अवधि एक साताका लागि थप गरिएको छ । दैनिक सयको हाराहारीमा संक्रमण बढ्दै गएपछि जेठ २ गते राति १२ बजेसम्मका लागि निषेध आदेश थप गरिएको प्रमुख जिल्ला अधिकारी शिवराम पोखरेलले जानकारी दिए ।

वैशाख १९ गतेबाट लागू निषेध आदेश २६ गते राति १२ बजेसम्मको लागि कायम छ । जिल्लामा सकृय संक्रमितको संख्या एक हजार नाघिसकेको छ । आइतबार थप ४० संक्रमित पहिचान भएपछि सकृय संक्रमितको संख्या एक हजार १ सय ९९ पुगेको छ ।

प्रकाशित : वैशाख २६, २०७८ १८:१७
पूरा पढ्नुहोस्
प्रतिक्रिया
पठाउनुहोस्
×